s'imbrogliu

S’ imbrogliu

Non est  de su poeta patadesu

chin  isse no poto istare aculzu,

no apo ne sa rima nei su bulzu

ma eo puru no so ligadu e presu.

Bos chelzo ispiegare in unu sulzu

malas fainas e penas de rimursu,

chi biven sos chi andana a cuncursu

ca’ meritos e proas truncan in culzu.

De su chi conto como ,b’ada ricursu

innanti a totu sas istitusciones,

ca’  ilfrutto tottu sas ocajiones

pro poder dare lughe in su decursu.

Su ch’ es sutzessu est  roba de pessones

sun cosas de comune acadimentu,

sun chei su randine e’ su entu

chi cando passan bi restan’ sos dolores.

Sunu paltidos in pius de millechentu

pro pagos postos fatuos de tribagliu,

comente sempre s’agatada s’incagliu

Intrados sun’ sos santos de cumbentu.

Ma custa ia, eo punt’ a s’intagliu

apo sas proas de su malafare,

e fintzas chi su ‘eru ada torrare

in rughe che los ponet  s’isbagliu.

An ‘fatu ‘e tottu pro mi conchinare,

cunvincher chi no b’ada cumbenientzia,

a mie han proadu  folza e  pasentzia

“lassa sas cosas e  lassalas andare”.

Si  tratat  de arrogu e prepotentzia

de vile ignoranza  e pagu zelu,

ca fintzas chie si pasat in  chelu

non b’idet’ veridade e cumpetentzia.

Est che su telau e su telu

no passat in sos bucos regulados,

dae giustiscia issos sian leados

cobeltos dae ilgonza e dae velu.

Issos sun foltes e malefadados

eo minore ma mannu ‘e dignidade,

ispintu dae  folza ‘e veridade

los torro sia cuntritt’ e umiliados.

Ana pedire iscuscia e piedade

pro dannos e ingiustiscia causada,

pro sa fide in sa Patria ch’es mancada

chena sos astios ne disamistade.

Ca sa giustiscia nd’est già infrommada

luego aiseto sa  dezisione,

e sa sententzia los gitada a presone

ca sa cuscescia  est presa e ligada. 

Deus los aldet dae sa disperascione

lis diet saludu chin  ravedimentu,

pro issos  annos, chi  bin’apet chentu

 saludu et  vida  e no  reclusione.