Sienda abandonada
In d’unu logu cuadu, ch’isco eo,
b’at una sienda abandonada,
no est pro casu o solte fadada,
de issa onz’ intantu mi nd’ impreo.
No est prenda ch’est naschida in Patada
e mancu in in sos brazos de Morfeo,
est cosa chi onz’ intantu a coro leo
dae una pelcia d’ intragnas agatada.
Est’ un’isteddu, e chin isse m’alleo
pro gosura e bellesa chi mi dada.
Fato unu brincu ‘e passu furriadu
si no l’agato cando apo bisonzu,
chin umilesa e chin fagher aconzu
pedo si l’ant bida in s’ighinadu.
Iscurigo che nues in atonzu,
mi frusciat su ‘entu cambiadu,
est comente a mie ant nadu
sas lughes in manzanu chitonzu.
Cussos isteddos chi mente m’ant sinnadu
e in s’animu mi faghent bon’ inconzu.
It’ at a esser custa frisca rosa,
chi cando mancat mi leat su respiru
e su cherveddu de tristu est a biru
in sa carena no agato posa?
Eo ti gito in coro e ammiru
che sienda galana e purpurosa,
ses tue in poesia cussa cosa
chi mi dat sa gana e s’ispiru.
Como t’adorno e in rima graziosa
nd’ogo menzus paraulas dae chiliru.
Tesoro abbandonato
In un posto nascosto, che conosco
c’è un tesoro abbandonato,
non è lì per caso o sortilegio,
di esso ogni tanto mi servo.
Non è un tesoro nato a Pattada
E nemmeno tra le braccia di Morfeo,
è un qualcosa che a volte m’ invade il cuore,
da una fessura delle viscere ritrovata.
È una stella, con la quale mi alleo
per godere della bellezza che mi da.
Faccio un salto rovesciato
se non lo trovo quando ne ho bisogno,
con umiltà e con un fare composto
chiedo se l’ hanno visto nel vicinato.
Mi rabbuio come le nubi d’autunno,
è come mi hanno raccontato
le luci dell’ aurora.
Quelle stelle che mi segnano la mente
E che dell’ anima fanno un buon raccolto.
Cosa sarà questa fresca rosa
che quando manca mi prende il respiro,
il cervello di tristezza abbonda
ed il corpo perde la stabilità?
Io ti porto nel cuore e ti ammiro
come un bel tesoro purpureo,
sei tu in poesia quello che
mi da la voglia e l’ispirazione.
Ora ti adorno e, con rime graziose,
passo al settaccio le parole più belle.
Nessun commento:
Posta un commento