lunedì 31 ottobre 2011

rombo di tuono


sonu ‘e tronos

T’ana descritu comente fat’ e ferru,
unu murone in area ‘e rigore,
a totu leadu as anima e core
de sardos isolanos e in disterru.

De avversaria difesa su terrore,
su giornalista t’at postu “sonu ‘e tronos”,
pro cumprimentu e pessamentos bonos
a sa Sardigna as resu gloria e unore.

sabato 29 ottobre 2011

aidos.. de mente (sa maliscia)











Aidos.. ..de  mente   ( sa malliscia)

Aidos b’at  de podere giumpare
in muros post’ a lacan’ e sentidu,
cando  si podet poi ischirriare
tra su chi est cuadu e chi s’est bidu.
Fatu su passu  dezisu  pro andare
torrat in segus ca si nd’ est pentidu,
ebbai restat  in  lacanas  de vida
chena poder  narrer “eo l’apo ida”

Si trattat de sa solita cantone,
tra chie  bivet innanti caminende
e chie ponet fattu che anzone
chena  lu idere mai creschende.
Cando arrivit sa dezisione
de sighire su chi est pessende,
narat :”sa memoria perdida!!
de cosa mai nada e mai ida”.

Isse pessat sol’ e giudicare
su ch’essit dae sa conc’ anzena,
no at farina ‘e poder impastare
ma   roet pane a manu piena.
No faghet nudda  pro si meritare
s’aria chi respirat  apena,
de abba bufat solu unu ticu
ma in maliscia est meda ricu.

campusantu












Su campusantu

Su campusantu,  ido sempre creschende
impare a sos annos  già contados,
cando  minore  ‘enio  visitende
sos mortos  de sos annos passados.
Pariat  tando d’ esser  faeddende
chin zente  dae seculos andados,
como  inveze sa cara ‘e cussa zente
est sa mantessi  chiin ojos est presente.    

Ido  parentes, fedales e amigos
chi pessaio  de esser immortales,
suta  in s’umbra  frita ‘e cussos pinos
drommin  sonnos  eternos  uguales.
A  faca  totu  sun che  bon’ ighinos
chi no connoschen  dolores e males,
forzis  in fest’  insoro  sun pensende
“no pianghedas, 'enide riende” .
 
ite sun chentu, o ateros annos meda
cando pustis che sun gai colados
cuss' atim' e s' eternu ch' est  bividu

est biu  o ch' est  falad' in olvidu?

si semenes sun bistados coglidos
chissaghi  vida cras torra cunzedat


venerdì 28 ottobre 2011

su patu..














Patada...su patu

Sarda sa limba e sa faeddada:
indulchis d’ armonia s’orizonte,
tue sa pius bella in s’ incuntrada
posta ses in sa sedda de su monte.
Pares sa reginella tue pasada
subr’ e su passamanu de su ponte,
dae totu mirada e ‘antada
ses tue sa idda mia ..oh !!!Patada.




Parizas biddas a tie t’an frommada
unendesi  in cucuru de monte,
da’  Iduvè,  Lerron  s’incaminada
leadu at sa zente   custu fronte.
Poi  dae ‘Unne  an fatu sa pigada
impare a Bidducara an fatu ponte,
solu   ‘Antina s’ est arrennegada
ebai  sola inie est restada.


giovedì 27 ottobre 2011

'olos de paghe...











Olos de paghe…..

 A tempos d’oe  cal’ est su disizu
chi potat dare pasu  chen’ anneu?
Custa trista dimanda in coro meu
est  de totu sos dubbios in pitzu.
A bias movo, pustis arreu -arreu
mi frimmo, ca no isto  pius ritzu,
che a  fiore bellu , cand'  allizu
lu leat mischinu tot' intreu.

Totu  cunvintos de aer  rejone
a una faca  intenden sas muinas,
a s’atera  iden solu ruinas
chena  daer minim’ escrusione.
Paraulas bonas e malas fainas
sun a s’ insegus sa concrusione,
de  bon’ ideas  e intenssione
coglin  dae sedatu pedrischinas.

Diaulu onz’ intantu poi bi ponet
sa coa, pro  nos  faghere  brigare,
solu ideas  cumonas  poden dare
un’  armonia  chi sa vida nos movet.
Sos  puzzones in chelu tian bolare
fatende inghiriu mannu chi nos donet
s’ insinzu  ‘e su caminu  ‘ue  s’abbonet
onzi  cuntrastu  ‘e poder limare.

mercoledì 26 ottobre 2011

bonanote













bonanote

 Pro  bonanote ti porr’ unu carignu
chi t’acumpanzet  sonnios de oro,
chi sigan  fatu sempr’ a unu signu
de lughes  chi t’ illuminen su coro.

Chin  su  sorrisu tou leo s’impignu
de poder  allegrare su ch’ adoro,
ojos  no tanco  cando drommis tue
finas  chi sole no coberit sa  nue  .

un' iscuta  bi resto  a t'adorare
sighende su profilu de su bisu
pustis t'aconzo subra su letolu

in fatu  mando unu asu a bolu

luego  mi lu torras in  sorrisu
"grascias a Deus" prim' e mi colcare.





Buona notte

Per buonanotte ti porgo una carezza
che t’accompagni  nei sogni d’oro,
 inseguendo  su un  filo di  brezza
la luce che illumina  il tuo   cuore.
Il tuo sorriso  d’impegno è la certezza
di poter  allegrare  ciò che adoro,
non chiudo gli occhi  mai prima di te
quando  una nube  copre il sole..finché…

giann' e giae


Jann’ e giae

Unu disizu su coro m’istringhet
cando  friscura intrat in sa mente
e su ch’ ido totu mi si pinghet
de un’ incras chi paret lughente.
Sa  melodia ‘e musica  mi gighet
a bider solu grascias in sa zente,
 cussa  chi tantu  paret lontana
eppoi m’ischidat a zoc’ e campana.

Pius  atesu mi che paret posta
e pius est su disizu mannu,
de istringher’  a mie  a sa costa
su chi semper nos at  fat’ ingannu.
Est  una falz’ idea  meda  tosta
chi solu faghet  de nois su dannu,
sue pessare  chi b’at diferenzia
tra s’ umana zenia, d’onz’  erenzia.

Leados dae  muinas  chena cabu
sighimus  sos disizos traitores,
no idimus in coro mama e babu
e pienamus  saccos de dolores.
Ma si bi podet ponnere agabu
e dare  abba  sol’  a  cussos fiores,
chi atin frutos bonos  in sa nae
e de sa paghe sun  sa janna e giae.

su 'inu noeddu


Su ‘inu noeddu

De sos sabores  ch’ essin  in natura
si nde podet fagher un’ assazu,
a donzi ora  de friscu o calura
iss’ est presente  in pinnet’ o istazu.
De Gennargentu oburu de Caddura
pro zente  siat frimma o in viazu,
sempre  li essin cussos elementos
chi renden  totu allegros e cuntentos.

Come  bi proan a su prim’ ispuntu
cussos noales , furados a su mustu,
zeltu  sun cudros e no ancor’ a puntu
daue l’essit  peroe cussu gustu.
Buccantes paren , fina pro aggiuntu
chi como si buffet  solu custu.
Inos li naran pro sa signorina
b’at  abba meda e paga  zuccherina.

In  cust’ assazu  de prim’ istajone
si podet  de annad’  anticipare,
si  ‘inu nou alet su tuppone
de s’ampulla  chi at a pienare.
Siet biancu oburu nieddone
onz’ inzateri si l’at a bantare,
chi alfat meda  o manc’ unu soddu,
siat  amenu o ticc’ e zoroddu.

lunedì 24 ottobre 2011

senza confini


Senza confini…

il cuor ch’ aspetta  del calor amico,
riempie  la stanza ove  il piè calpesta
della speranza  legata all’ ombelico,
che lo conduce  ad un’ allegra  festa.
Di ciò che  sento  e con la mente  dico
incontro   i  tuoi pensieri  nella testa,
son lievi  fiocchi  di  dolce nevicar
che  sul terreno non vogliono posar.
Or   li sorreggo  col palmo della mano
mentre  continua  intenso nel calar,
eppoi  d’un  soffio,  attento  piano piano,
li rendo  a te  per  grazia al tuo donar.
Al fine  con  lo sguardo  ormai lontano 
immagini  orizzonti d’abbracciar.
Nessun confine che limiti il tuo cuor
fonte di luce che illumina l’amor. 




sa murra


Sa murra

Intendo oghes, parimus in  cazza
cando in posta passat su polcrabu,
no est zeltu in  musica su grabu
ma che a cando in terra ruet  tazza.

Paren fusiladas  chen’ agabu
giannitos a s’issuldu  ‘e can ‘e razza,
 infora etados chin coro e chin azza
no si cumprendet su fizu chin su babu.

Olan sos brazos, che palas de mulinu
podighes  chimbe si sun pro ambas manos,
deghe de issos a murra sun falados
“muzzu che troza e b’ etami su inu”!!

Ides piseddos impare a pilos canos
totos ammisciu istranzos e beghinu,
alcende sun solenne unu casinu
e-i sos lamentos sonnidos sunu vanos.

It’at a esser chi rendet giogosa
una dioi calda cuntierra,
che cando milite chi faghet sa gherra
in molte anzena idet una rosa.

Como enujos sun tocchende sa terra
numeru ses insistit in sa posa,
no b’essit mai, paret chi bi gosa
comente cando cocoi si ch’ inserra.

Est unu fagher meda elementare
pro cussu pesso chi b’apet isetu,
chi una ia nessi apan rispetu
finas pro chie, nudda at ite dare.

Su chi a prim’aboju est a minetu
lu faghet pro aversariu acumbessare,
no b’at de malu in sa oghe alciare
che finit totu in binu ‘e bonu ‘etu.

A mie paret che cando pane ilfurrat,
prima si fresat e poi s’aturrat.


sa linia...(chilivani/ iscra) ex ferrovia complementare della Sardegna.


Sa ferrovia

Abaidende custa fotografia
in die  ‘e oe  movo sas mentes vostras,
tando faeddo de cando  che in giostras
a bidda  unu trenu pigaia.
Como  de cuss’ ammentu b’at mostras
in donzi tretu b’at  pedra ia,
sempre  in pizzinia mi mi godia
cussas ijones chi sun in mentes nostras.

Falende a Otieri, onzi olta
in macchina o sita andaia,
in su caminu sempre miraia
sa ferrovia  chi si bi pasat tolta.
Bator frimmadas  de prezetu b’aia,
in sa memoria apo bene regolta
s’ ilferragliare a sirena isolta
chi  trampulende sighiat  sa ‘ia.

Bella ‘e fattura e bene traciada
dae  s’inzegnu ‘e Piercy  s’intelletu,
nos at dadu a totu su diletu
e pro chent’annos  issa b’est istada.
Como  de isse  restat in bon’ isetu
s’ istazione ch’ est bene disignada,
contoneras e pontes de Patada
chi pius no ischin fagher in progetu.

Cuss’ omine dae Galles est bennidu,
castanza e nughe finas at batidu,
su giardinu ‘e s’ololche at piantadu
inie  su percursu at disignadu.
Impare chin  Ravenna s’architetu
at dadu a bidda belles ‘ e rispetu. 

amore in poesia


















Amore in poesia

Su giogu  de paraula in sentimentu
est  cane chi si mossigat sa coa,
nd' essit a fora una rima noa
ma pustis si che la pijat su ‘entu.
Si no l’inghirias d’amore a doa
e la muntenes istrinta a coro tentu,
leat   fua  in su firmamentu
che un' isteddu  de lughe no dat proa.

Restat  de s’umana inteligentzia
su  bellu cantu  fattu  in fantasia,
ma  cussa proa de arte in poesia
finit cue chena perun’ udientzia.
Cando imbetze,  su versu  essit ebbia
pro colorire  d’amore in sa presentzia,
si mustrat isse in totu s’evidentzia
e nd’etat  onzi mur ‘ e ipocrisia.

venerdì 21 ottobre 2011

big bang explosion











the big bang

Quando la terra un giorno esploderà!!
L’umana specie tutta  in girotondo
In una festa grande  abbraccerà
Le genti  variopinte de ‘stò mondo.
in quel momento solo nascerà
La vera pace, e scaccerà l’immondo
Che alberga  fisso nella nostra testa
E finalmente avremo grande festa.

vedrem  talun da sempre più vorace
che dona tutto, persino il suo respir
quell' avarizia che mai  ha dato pace
adesso avvolta dentro il suo morir.
poi la superbia con l'invidia  giace
che sembra in tanta luce essa perir
infine la vergogna china e mesta
passa 'l  popol servil  l'ira funesta.


sic transit gloria mundi


sic transit gloria mundi

Un’ ateru  severu dittatore
 su tempus e sa terra an ingullidu,
a tunios  ‘e gridos de dolore
paret chi niune l’apat bidu.
Cussos ch’ innanti l’an giurad’amore
 che Giuda sun sos primos  ch’ an traidu,
como  chi no è pius imperadore
naran  “Eo so !!!  liberatore”.

Ateras bias  s’ est  bidu gherrende
sos populos pro sa libertade,
como paren chi sien  fuende
dae dom’ issoro  in disamistade.
Totu sun contra, niune  lis est nende:
“Est roba ‘ostra, a sa paghe torrade”,
Pessana solu a lis presentare
su contu ch’ issos devene pagare.

 apitu  sun’ aberrer s’isceta
de su nieddu oro pigurinu,
no interessat su popul’ a preta
de famine e bisonzos ..poverinu.
No b’at mediu e ne cualeta
de poder imbuscare su destinu,
s’uman’ ispecie,  de totu sos valores
chilcat s’oro … no idet sos dolores..  

giovedì 20 ottobre 2011

specchio dell' anima











Specchio dell’ anima …

Dolce lo sguardo scioglie
la neve  della mente,
piangi de l’ altrui doglie
il bello ti sorprende,
dell’ amor sempre moglie
di chi la  mano tende.
Della vita entusiasmo..
della natura orgasmo.
Dai vita  all’ altrui cuor
nel   natural evento
di un  magnete d’amor
attratto poi dal  vento.
Dal cielo il suol   color
d’ azzurro che mai spento
illumina il tuo sguardo
come  il bel mare sardo.



domenica 16 ottobre 2011

lampu 'e lughe..a bias














Lampu ‘e lughe.... a bias.

..e pustis t’apo in coa a leare
pro ti gigher a intro e coro meu,
‘ue as agatare su recreu
chi no as mai potidu aferrare.
Tue chi tantu as apid’ anneu
in vida ‘e tribulia, chena pasare,
a narrer as chi si podet 'istare
a manc’ e totu, francu 'e manu 'e Deus.
Unu mundu galanu delisciosu
a sa brazeta chi t' at a leare,
pro su chi as ischidu dassare
In fagher de rinunzias donosu.
Anghelos chentu t’an a laudare
cando su coro tou a reposu
si ponet in manos de su Gosu
Eternu, pro bi podere intrare.
Inie solu, as tue a pasare
chin animas allegras cristallinas,
chi de amore, bi nd’ at tantu ,finas
de nde poder sa terra semenare.
Est tando chi nde coglis sas ispinas
chi punghen in su malu campare,
luego a totu as a insinzare
chi vida est lampu ‘e lughe... a bias.

Cando mi frimmo...













Cando mi frimmo…

Cando  mi frimmo  su sero pasende
abbaido  s’orizonte  chi est  cue,
e-i su sole chi  s' est imbelghende
in segus  montes e de  una nue;
s’aera  paret, a fogu brujende
 ischentiddas  d’isteddos  fue fue,
subitu fattu s’acerat sa luna
e mi saludat  “a tie bona fortuna”.

Est tando..  chi  eo tot’ in d’ una
mi sento de su mundu imperadore,
sa mente de miseria geuna
e in coro no carpit su   dolore .
De ingiustiscias no nd’ ido mancuna
soltas in sa natura e-in  s’amore,
totu mi paret fatu a pinzellu
dae sa manu 'e Sanziu Rafaellu.

ue arrivit  folz' e fantasia
si biven dies chena tempus malu
totu  paret su mundu in armonia

est tando chi coglio sa poesia

pustis de meda tempus, pesso alu
chi sa 'etzesa .. est che sa pitzinnia.



  • Paola Black 

    Rafaell' in manu s'arte aiat
    de pintar' aurora e tramontu
    ca su pinzell' aiat semper prontu

    e pitore famadu già lu fiat;

    peroe sa chi tue miraias
    este arte de Deus subrafina
    no este umana ca est divina
    est etern' e addurat semper bia.

    ...Ma unu cuadr' o una poesia
    pro cantu bellu nde restet s'ammentu
    su tempus l'irbiorit, l'arruinat,

    imbeze sa natura ch'est reina
    imperitur' 'ogni die s'istentu 
    ti dat, ca no at aer finitìa...



  •  Si Rafaellu in s’ arte est bistadu
    De sa bellesa massim’ autore
    Gai natura a tie at pienadu
    De poesia in donu su valore
    Est beru chi s’ artista pius famadu

    Restat pro sempre su nostru Segnore
    Ma che a Giotto allievu e Cimabue
    Gai dae Dante as imparadu tue.



    Giuseppe Pintore *


    E deo ca no apo cussos trastes,
    no apo unu quadru de pintare.
    Solu a bois poto amirare,
    e mi narades mi no lu guastes,
    isto luntanu, ma cheria imparare,
    basta chi sos colores m'impastes.
    Fortzis lu fato un'iscarabochiu,
    che Gepeto chi a fatu a pinochiu.



    •  Pustis paraula at nadu buratinu:
      “babbu” a su mastru chi l’ at criadu
      Geppetto a sa boghe s’ est ‘oltadu
      Et bistu at su sou bambinu.
      Gai ses tue Peppe su disterradu

      Baddu de nois.. sut’ e monte divinu
      Sa poesia nostra as pialladu
      Ma alu niune a tene at suberadu.


      ola Black

      Cussu ca lu fidi un' artizanu
      mastru 'e linna famadu Gepetu
      modellat unu fizu chi umanu
      pariat sen'aer unu difetu,

      e Peppe ca bi l'at in conc' 'e lettu
      sa Musa chi lu jughet a sa manu...
      ... ischent' e fizos d'art' 'e poesia
      los piallat pro nd'aer mezzorìa..


      .

      Giuseppe Pintore *


      Lussoriu no as rejone incue,
      po cantu deo cumprende poto.
      Tue cun Paola comente noto,
      sezis pintores de campos e nue.
      Chi deo conto unu Cimabue,
      bois mi superades ca sezis Gioto.
      E che issu bos leo a modellu,
      ca manizades colores e pinzellu


      .

      Paola Black ---


      Bos naro cun sinzer' umilidade
      digna no so de b'istare in mesu
      ca sa linna chi nd'atto manc'inchesu
      su furru l'at ch' 'ois alimentades;
      de s'arte 'ostra paret so attesu
      mancari ch'un'azudu mi lu dades...
      ...Che Pinocchio mi creschet su nasu
      ca sas Musas mi negana su 'asu..


      .

      Lussorio Cambiganu

       Su asu chi sa musa t’ at negadu
      No est de poesia , ca l’ as tota
      Det esser cos’ a nois pagu nota
      Chi alu forzis no asa contadu
      Chin bois palfo che polchedd’ in jota
      Sempre de versos mi so atatadu
      Sa veridade est: noll’ intendimus
      In s’ antu tou .. totu nos bidimus..


giovedì 13 ottobre 2011

serenada









serenada



Cando mi leat su  tou pensamentu
no apo  intr’ e coro sa tristura,
si solvet totu a cussa   calura
onzi malannu  chi atit patimentu.
Sorrisu sempr’ in laras m’addura
apo sa forza de ateros chentu,
bolo  in fantasia che su ‘entu
e solu ojos tuos ap’ in fregura….

No apo sa misur' e sa bellesa
chi potat a tie simizare,
isco solu chi s'anima inchesa
m'as fatu onzi olta, in su  mirare.
Como chi serenada  l' ap' istesa
pro poder tue bene reposare,
duas columbas e unu rusignolu
an a cantare custa a tie solu.



coro boidu



Coro boidu.

Cando as donadu  frutu proibidu
abelzende sa nella ‘e su tesoro,
nudda  intr’ e a tie as sentidu
ilboidende anima e  coro.
Pustis chi totu custu est finidu
as peldudu  finas s’ aneddu ‘e s’oro,
eccomo ite faghes  de sa vida,
dadu  chi   fruttur’ est aultida?
As  a  cuare  lutias de piantu
pro  totu  su chi no podes  leare,
onzi ‘ olta  chi t’ idese mirare
dae sa zente chi ti narat : “cantu?”
E tue sempre in su passizare
pessas a cando fisi un ispantu,
de sa  bellesa nde faghiias ‘antu 
comente  una sienda singulare.
Como Ides sas  dies   colare
chilchende  de affettu onzi tantu,
ma niune ti podet torrare
su chi  as dadu pro nudda ,de aggiantu.

mercoledì 12 ottobre 2011

Cristão


Cristão


Qual  son le virtù della bellezza?:
“i suoni che si sentono lontano
di un canto  che  ti prende la  mano?
Oppure i colori  che d’ebbrezza
riempion  tele d’amore e tenerezza?"
Come la prima volta al tuo  “ti amo”
ti sei sentita  frutta  appesa  al ramo,
con il color d’  acerba tua  freschezza
donasti  ignota   l’immensa tua ricchezza.
Or nel tuo  vago solingo dispensar
il  frutto  tu lo vedi  consumar.
Pensi a un doman che forse arriverà
d' amor una carezza  porgerà.


lunedì 10 ottobre 2011

ispideru rebelle


S’ ispideru  rebelle

Solu chin su penseri lu carignat,
s’ ojada pius lughente de isteddos
unu  fil’ e aera.. che-i sa frina
sas pius bellas paraulas sullevat.
Miscia tristes’ e coro a tocheddos,
s’ispideru rebelle   a sa mudina
 donat  totu  a s’ateru  su coro,
cando   paret perdidu   decoro.

domenica 9 ottobre 2011

malinconia













malinconia

Quando da terra ti senti sollevare
sono le ali della fantasia
che muovono  leggere sulla via
di onde che si alzano dal mare.
In quel momento la malinconia
resta sul fondo  che cerca di remare
con gran fatica,  per poterti dir:
“Aspetto  d’entusiasmo il suo finir.”

ciaravugliu


Paginas de ciaravugliu

Sas  paginas de su ciaravugliu
‘olan e sun boladas che-i  su entu,
nd’ ap’ idu zeltas  e  l’ap’ in ammentu
chi an atidu dolores e subugliu.
Ateras   poi  su coro m’ an  tentu
a custa vida misciada in un iintrugliu:
‘ue b’at  venas  de abbas ‘on' e  riccas
chi meda ‘oltas però s’agatan  siccas.

Sas pius bezzas  andan in lebiesa
subr’ è  culumba  candida innozente,
forzis est su mamentu pius dezente
chi restat dae sa naschid’ a s’ezesa.
Nudda ‘e malu bi restat in sa mente
‘emmancu  nudda in coro bi pesa,
ca  cussa prim’ edade l’apo ida
comente  una campagna fiorida.

Cando sa gioventura  idet lughe
su mundu paret  in prammu ‘e manu,
ma finas tanto, pianu-pianu
cominzat apparire calchi rughe.
Peroe no nde peldet su ranu
ca  est de colza dura che sa nughe.
S’abizat chi s’agatan sas piagadas
ma alu isse leat sas faladas.

Poi in tempus de  maduridade
 si pesat  domos impares chin sa cria,
e su tribagliu chi a bia - ia
no sempre est  in serenidade.
Mamentos sun de gosu e tribulia
de pessamentos  e felicidade,
totu  su chi si attit a domo
est pro su bene  de pustis e  como.

Poi sa fine s’ idet   sorridente
chin pesos  chi s’atacan a sas palas,
lezerigados  dae  cussas galanas
ijones  in ammentos  de presente,
sas malas poi restan cuadas
chilchende de fuire a sa mente.
sa vida no es  mai immaculada
chin forza issa cheret aconzada.





giovedì 6 ottobre 2011

luce spezzata..cuore di papà..


Cuore di papà…

La luce del tuo gene  s’è spezzata
nella galassia che risplende in ciel,
Il vortice di stelle si compatta
dando  sollievo  ad un astro novel.
Riflette nel tuo cuor la voglia matta
di  accarezzar il capo del tuo bel,
se guardi bene  la luce del suo viso
t’ invita  a viver bene…col sorriso..!!

cantu so bella...











Ahi!! ahi..sa  vanidade

Si .. feminas si  dana s' aconzada
e dae manzanu  chilcan de aparire,
pro poder esser pius  pretziadas
totus sas artes faghen fiorire.

Si  de Venus  virtudes sun debadas
ateras  faghen modu  de sighire,
cando s' imbidia  sos ojos l' inzegan
su poddigh’ e su pè issas si segan.  

Cantu so bella !! narat a s' ispiju
perun' atera  a mie s' assimizat
niun' aculzu mi podet  'istare

totu a mie tian dever  amare.

Cando de su  desertu  issa s' abbizat
sola issa si cuat e.. tancat s' oju.

chiudere in poesia...


Poesia

Tu ..da sempre, l’  amica migliore,
mi dici : “quello che tu pensi e scrivi,
quando la mente t’ illumina il bagliore
rendi l’idea  di mondi più giulivi.
Tutto rivesti  in armonia  ed amore
in poesia  il bello tu descrivi.
È  quell’ idea comune di bellezza
che muove il cuore, riempiendolo d’ebbrezza.

La poesia..  sta sempre  nell’ attesa
sulla collina, nella cima riposa,
osserva tutto, senz' alcuna pretesa,
solo se  richiamata , essa si posa.
Non si capisce perché  della ripresa
in tarda età,  la declamano sposa.
Sarà  come l’antica religione:
amata.. come mamma.. in conclusione!!. 

mercoledì 5 ottobre 2011

su gorropu...












In su Gorroppu

In su Gorroppu , logu e calancones
bi  tio ponner  totu su parlamentu,
abeltos a trascias e su ‘entu
e semenadu in terra de buccones.
A conca fica  e a fogu lentu
tio ponner sos peus mascalzones,
in s’intrada los cussigno a Caronte
eppoi   ponzo fogu a cussu  ponte.  

Cando  in segus no poden  torrare
sas feras totu essin dae tana,
mandados sos dimonios de satana,
cominzan issos a ilfolchiddare.
Unu pro unu, a totu preguntana
“Cal ‘ est de s’arte tua in su furare?,
Chi’ est  in su pecadu  mastru mannu?
Chie in terra ha fattu  pius dannu?”

Tottu  isperiende unu cuzzolu,
su poddighe li puntan  dae lalgu
a zoccos de salia dae s’iscalzu,
si giran tot’ a  s’omine solu.
“Canta mischinidade a carralzu
omines  de viltade in oriolu,
dae sempre l’azis osannadu
eccomo sol’ iss’ est s’acusadu?”

“Cussu in vida  de fadu eretu
nd’ at impitadu tantu  in su disizu
su chi no at apidu,  babu e fizu
in perun’ era..nemmanc’ in s’ isetu.
Chin feminas no at connot’ allizu
e tempus at passadu sempr’ arretu,
como no b’at muzere  chi lu ‘olet
niune chi  sas  ‘ozas  li  cossolet.”

“Tue inveze de cale parte ses?
Cale mischinade t’at infamadu?
Ses pro casu cussu chi at postu pes
nende chi  ladru est su romanu?
Eppoi tue, chi mancu bi cres,
as ispeldidu populu padanu.
in conca sa pasta lis as cundidu
nende  de nazione  divididu.”

A manca e  in mesu  b’ est sa zente
chi paret  in giudisciu isperanzosa,
no an cumpresu chi  intr’e sa losa
che sun intrados,  de s’ira furente.
“Bois  sezis  istados,   peus cosa
alides  pius pagu de niente,
etende gulpa  a s’ imbonidore
traitu azis  populu et onore.”

In chima de  sa pius alta runda
si alciat de sa paghe su vessilu,
su populu  inie chen’ assillu
disamistad’ e odiu che munda-t.
Eppoi  naran: “s’omine giustu millu!!!
Cussu chi de onore med’ abbunda-t
Comente  faghet isse abaidade:
Pover’ in canna,ma  ricu ‘e dignidade”






bellesa virtuale..


  • Cumprimentos in fb

    Ma cantos coros s’iscaldin pro a tie
    Lo gighes totu  fattu che cateddos,
    Milli t’iscrien a frotas onzi die
    Mandendedi sos asos in faeddos.
    Narami tue chi est chi asie
    Ti at promissu in altare aneddos,
    Sinono si tratat de imbrogliu
    Bellesa tua nde faghen degogliu.