resolza cana

Resolza cana

Una resolza cana e atalzina,
frommada dae su solitu talentu
de manos bonas e chin oj' atentu,.
fat' at  sa prima de una dozina.

E como pro la gigher che rejna
l’impitan sol' a segare su 'entu,
fin’abbelzende est a modu lentu
timende chi si fatat  a chejina.

Sa maniga 'essida dae corru
‘e masciu chi no torrat a brincare,
pessende chi podiat’ incorrare
fat'  at  fine de su zinzigorru.

Sa lama pro riflessu at  azegare ,
s’aneddu raminos' a manc' e torru.
ribbatos sunu chimbe chena porru,
sa punta paret sula pro istovare.

Como la gighen a sa mustr' acantu
descriende virtudes e incantos,
no pessan chi b’at apidu piantos
ponzendel’ in busciaca pro su vantu.

Bellos e Zintu dadu an’ impiantos
de sa resolza, a bidda an dadu tantu,
ma fin’a como no bi nd’an fatu santu
de frailalzu  'e lament' e  antos..