A cabuannu cabude e peltusita
Patada dae chelu coronada
chi in su coro meu ti ch’interno,
su lagu est s’ispiju ‘e monte lerno
e pasas in sa sedda incantada.
Sa pitzinnia est istad’unu terno
ap’ issu loteria chena chilcada
a tie chi devo totu, mi las dada
ti pesso sempre, ti lasso poi bi torro.
No cherzo tropu a tie decantare
ses già piena ‘e gloria e fama,
imbidiada comente bella dama,
ses mama tota canta de amare.
Ses altera che sacaja in s’ama
faghese pinzos d’ ata in su segare
sunu lughentes che riflessu in mare
e das a totu folza a chie ti bramat.
As dadu lughe a s’alta poesia,
a Padre Luca, Pesuciu e Palita,
Limbudu chin Cocera t’an’descrita
pro gloria ‘e poetas e chie si sia.
Pro fizos tuos lassas sa fita fita
ses un’incantu, dae meda no t’idia
pares essende dae gara chi b’inchia
a cabuannu cabude e peltusita.
Nessun commento:
Posta un commento