a s'imbessa

A  s’imbessa

Unu filu e samben’ in su coro

Bi curret andende a s’imbessa

L’impito pro cuadru chi coloro

Prima chi sa ijone mi si ch’ essa

Ponzende fatu a su lamentu issoro

Como faeddo de su ch’interessa

A criadura fertile naschida

Chi caminera at lead’a chilvia.

Dae cando mundu at postu  dimora

In s’universu  isterridu ‘e lughes

Si ficcan dae sos seculos ancora

In terra  onzi  mamentu meda rughes

Zeltas  sa morte las giamat in bonora

Ateras  tue in cusciescia las jughes.

Omine cantu pagu ides innedda

Cantu dolores in terra ch’at a chedda.

Mancu pro fizos tuos meravizados

Chi  naran: “babbu como ben’ innoghe”

Ti oltas che a canes imbizados

E meda ‘ias li alcias sa oghe.

Comente totu gosos disizados

Leamus vida ‘e ateros a gioghe.

Mai una olta chi nde fatas a mancu

Cheres  furare tue totu su bancu .