sabato 31 marzo 2012

dominiga 'e pramma











Dominiga 'e pramma


In di’ e oe finit su barantinu
pesperu  est de sa chida santa,
s’ esiliu in  su  desertu l'at   finidu
e sa zitade abbojat  canta-canta.
De prammas e olias isterridu
su logu  ‘ue passat et incantat,
 Gerusallemme oe in allegria
pro Jesus ,  de issoro   sa  ghia.

Est alu gai chi nois la leamus
sa fide pro s’ umile serbidore,
a Deus  nois aminu li damus
cando b’at festa  o puru  dolore.
Pustis de  fetianu l’olvidamus
impare a  su sinnu de s’amore,
omin’ est fatu gai in debilesa
sa forza ch’ isse perdet in  lestresa.

Die de festa, est unu mamentu
de bon’ isetu  pro sa cumpanzia,
lestra  s’aparit  comente su entu
ebbai  olat  tot' in  allegria.
Si  nudda restat a su coro tentu
si mudat in  boid’ e delusia,
s’imbeze  sa festa benit serbida
no finit mai e arrichit sa vida.

venerdì 30 marzo 2012

a sa musa...Deiana,..P.Black, Lacrime (E.Cubeddu), Pintore, Canova e Cambiganu




















A sa musa (Deiana, Black. Lacrime (E.Cubeddu), Pintore, Canova, Cambiganu)


Mi perede manchende cu colore
in ue colore non deviat mancare
tocca a nos ponner torra a improvisare
isettende 'e sas musas su favore
Mustramola nois su mannu calore
pro sa poesia, da ch ischimos cantare
Mannos e minores de virtude
pro li ridare vantu cun salude


Inizio modulo
Paola Black ‎----

Accolla presentad'in bellavista
sa rima de incantos colorida
Deiana nd'as fattu già conchista
cun cust'ottada dechid'e nodida;
torrande posca d'essere partida
ti lezz'e mi la goso s'imprevista...
... saludo tott' e a tie zovànu
ch'iscries cun sa Musa pres'a manu ...

às cuminzadu tue cun coraggiu 
e as portadu su bellu colore
ischende ponne tintas cun dosaggiu 
e ana a torrare mannoso e minore 
dali su tempus de ponnere ingranaggiu 
ca ana a torrari carrigos de amore 
pro dare colore a custa cumpagnia 
cun frasis bellas fattasa in poesia 


Acco ca nd'es torradu Manuele
chi olet narrer deus ch'in nois.
Abboltas semus tra ais e ois
ma tue a sa musa restas fidele.
Cun verso bellos dulches che mele
chi intro e s'animu non costois.
Ca ti connosco ses d'animu onu
e onzi antu no nde faghes donu.


Ancora bos rinnovo sa presentzia
ca a sa poesia leo tantu amore
ca s apperit che unu bellu fiore
in laras mias cun sa paga esperientzia
ma mi ponzo un iscrupulu e cuscientzia
Pro no isballiare cun tantu ardore
Ispero bene chi non siat invanu
e mi leo sa musa pro una manu

Chi sa musa ti leas a corona
isa puru nd'et'aere apretzamentu.
Ca t'apagat ch'in calchi cosa ona
ti carignat e non ti da turmentu.
De s'intelletu est issa alimentu
de s'arte poesiana es matrona.
cando chi a issas ti afiancas
ti guidana e de versu no mancas.


Manuel non ti mancada su coraggiu
ne sa presenzia ne sa idea
si calcunu ti criticada e pelea
ignoralu tue cussu messaggiu
pro atie bada una manna cadrea
chi l'aghatasa fatende su viaggiu
chi non 'est lontanu adderetura
ca non ti mancada su donu de natura


 Bella.. pro esser bella in poesia
Est in diciu, Paraula bene nada 
Fata dae mannu, minore o chie si siat
Bastat chi sa musa bi l’ at dada
Femina imbeze sighit sa ghia
De dare amore e d’esser amada
Pro esser bella.. sa poesia est bella
Cando la cantat una zovanella


 Si la sighides bona cust istella
chi siades bois mannu o tzovanu
si sa musa tenides pro sa manu
onzi rima bos bessidi goi bella
ma sa mia chi la conto novella
Est pius forte in su tempus mezzanu
ca sa musa insoro no est afranta
Forte commente chie la canta(t)


Sa musa es musa no ba de pensare
ca no es mai etza ne novella,
cando enit sa janna a tzocare,
aberis che a una dama bella.
Ma ides chi po pagu ti ribella
su chelveddu t'amachiat e penare,
ti faghet a de die e a de notte,
non podes contras de issa chi lote.



tue sese ch'e'una alvure in fiore
deo so che un'alvure isvozida
guasi a su tramontu de vida
tue cantende gia ti faghese onore
a mie s'ottada non mi essid cumprida
pro culpa de calchi malu dolore
a boltasa puru gia bi cumbato
e su ghi poto deo gia lu fato,



 Musa, o diva de sa poesia
Est cuss’ erva ‘ona saliosa
in desertu , est issa abba ‘ia
chi sulenat de s’amin’ onzi cosa
prima ‘e como che la pessaia
tancada chin Omero intr’ e losa
imbeze como ch’ isco ch’ est presente
naro est issa chi movet sa mente




Francesco Canova

musa propriu diva de sa mente
naras'est'issa. movede sa poesia
cando s'astru pero est'in'allegria
e puru cando est,lughida sa mente
tando issa gia est,puru presente
a la intendere faghede simpatia
ma s'astu,puru,est'assarabiada
bella ottada non benidi presentada,


Lussorio Cambiganu

B’est sa musa pius arrabbiada
Cussa chi gosat a s’aminu tristu
B’est cussa finzas innamorada
Ma prinzipe no si nd’ est abbistu
B’est cussa chi sulenat su dolore
e in poesia faghet bon ‘achistu
sa musa est de s’omine virtude
chi dat a poesia sa salude.




 Francesco Canova 

sa poesia che ogada su lametu
chi unu s'agatadada in tristura
pero azuadu dae sa natura
e rifforzadu dae su talentu
si non si presentada addiritura
brincoso nde podede fager centu
ca s'astru,gia, est chi cumandada
cherede arrivare non bandada,


Lussorio Cambiganu 

In medas su talentu est cuadu
E paret chi no brotet su fiore
Lu gighen intr’ e pelcias arressadu
Pessende chi lis porrat dolore
Cussos chin musa forzis an brigadu
Perdende sa virtud’ e s’autore
Cussa chi narat custu penser’ iscrio
E a su mundu lu naro e chel ‘imbio
Fine modulo

‎--- A sos amigos poetes e a s'isposa chi tenimos a cumone sonetes)... Black..Cambiganu, Pintore


























--- A sos amigos poetes e a s'isposa chi tenimos a cumone... ;)

A su son' 'e campana de Talìa
tottu sos chimbe sensos ischidados
si sunt postos in fila che sordados
m'apporrint a s'immurzu poesìa.

D'appenas chi nde leo su sentore
cando ch'intendo sonos d'armonia
origas, nasu, pibirista bia
e bucca pro nd'intender su sabore

tott'apparados sunt sos sensos mios
a zigu los trattenz' intr' 'e su pettu
chi s' iant tentu ancas fint fuìos

lassadu m' iant morta subr' 'e lettu
currind' iscaprizzados a sos brios
pro l'ammustrare paga de s'affettu...



Inizio modulo

A donzi frin’ e bentu matutinu
Sos sensos tuos sun ispalancados
Bentan’ aberta a cussos sentidos
Chi rendene s’amore bon’ ighinu

Si no los toccas tue los as bidos
Fatendedi a s’arveschida s’inchinu
Los tenes semper in coro vicinu
Mai dae mente tua sun olvidos

Brincas d’ issos muros de fantasia
Sas lacanas suberas chin sa mente
Ponzende fatu a su zoc’ e Talia

Sos limites umanos de sa zente.
Chin tegus morit in arte s’ ingannia
Ca ses sa lughe fata trascendente.

Retzidu apo s'omaggiu chi as fatu,
pro gai s'animu mi as postu in motu,
de s versos bellos ti so gratu,
comente gratu ti es custu fiotu.

Sos chimbe sinnos ti dana abolotu,
poesia tessene a momentu adatu,
servidos poi in'indoradu piatu,
friscos e bonos lo gustamos totu.

Cando so versos lo deta su coro,
ettana lugore in s'ambiente,
ca es sienda de tenne che tesoro.

E tue ca ses che funtana perenne,
rica de fantasia e dota mente,
chi m'est'onore amiga a ti tenne.
Fine modulo

giovedì 29 marzo 2012

mitologia greca.. undighinas..Paola Black - G. Pintore Cambiganu













Giuseppe Pintore

Saludu sos presentes e chie
non b'est auguro bona die.



Paola Black ---

Oe Peppin' est a pe'
in duas ancas reu
l' 'ido; inube at postu Pegàsu?
Su cadd' aladu no b' e',
itt'at tentu? oddeu!
Si l'at irmentigadu in Parnàsu;
bisonzu l'approendet
issu chi si nd'intendet:
s' elv' 'ona connoschet a nusc' 'e nasu...
...forzis l'at a torrare
sa forza in sas alas pro bolare...

pintore

Deo a pe duos
che totu sos omines
fato tretu longu in caminu.
No so a pe nuos
e no apo domines
su caddu atatu est a puntinu.
Lu tenzo sempre prontu
cando ba torracontu,
sende caddu aladu es divinu.
pero chi tue atopas
ti setzis a de nantis o de cropas.

Paola Black ---

Già bi l'appo a prontu
siat sa bella sedda
chi menzus finiment' eliconosu; 
de Efesto su contu
appo sardad' innedda
ch'eppas codumu viazz'e reposu;
cando ses de tuccare
beni a mi jamare
chi lu cuncordo fier' e donosu...
...e tand'isparghet alas
no timet bent'e ne aeras malas.

pintore

Tando eni cun megus
chi cheres faghe fronte
ti leo in so lidos de atene.
Prontu e su pegus
deo so Bellerofonte
setzimos su babbu de Ippocrene.
In s'Olimpu e Parnasu
chi olas cun Pegasu
ambos siguru bistamos bene.
Che Venere lichita
ti furo da su logu ue abita.

Paola Black ---

Chi ses che issu, nara
chi podias segare
sa fune chi mi prendet a Chimera,
ca pro sorte amara
no mi lassat bolare: 
passad' appo baranta primavera(s),
sena chi un'eroe
mandadu de sas Noe
resurtet a l' 'incher 'ue impera(t)...
... e com'arrivas tue
mi naras chi che l'ogas da igue...

pintore

De Dafne su lauru
che corona fiera
lu ponzo po isolve cuss'impreu.
Boco su minotauru
a Echidna e Chimera
ap'esse forte che Ercule e Teseu.
A medusa e Tifone
su centauru Chirone.
totus benin suta su colpu meu.
A tie fora de pena
ti furo che Paride cun Elena.

Paola Blak

De Elena no banto
bellesa parìmile
ne trassa ballarin'e traitora,
che Briseide canto 
sa 'ogh' appo simile
solu pro un'omine a dogn'ora;
chi t'agrad' a sa vista
cun seru mi conchista
e tando gia t'azzetto in bonora...
...chi umpare andamos,
m'a sorrastra mia no lu naramos...

L.Cambigianu

Dae Sardigna a Isparta
Dae Creta a s’ OLimpu
Tot’ est in custu mundu labirintu
Chin su filu l’iscarta
Su minotauru iscimpru
Candp Teseu a isse l’at bintu
Pro donu Arianna
Leat frigada manna
Ca s’amore promissu no l’at chintu
De Minosse sa fitza
Bi restat filu, ma s’amor’ allitza.

Paola Black ---

Resone tenes, Rinu,
ma su mal' est Teseo:
Arianna che Medea meschina
lassadas in camminu
a su c'ammento deo.
un' 'ettat fizos in abba salina
s'atter'in Nasso sola
neunu la cussola(t),
curp' 'e braghetti-pudidu faìna...
...Peppe già no est gai,
ma no li do fide: no s'ischit mai...

Lussorio Cambiganu 

De Knosso labirintu
Ch’at fatu Dedalu
Restat sa frigura in sa mente
Isse a ti’ a lintu 
No lu lees a malu
Ma in s’amore mi pares perdente
Paraula bene posta
Est chei sa pedra tosta
Cuat semper limba de serpente
Finas chi tenes filu
Lassalu perder e ciao narabilu

Paola Black ---

No li dao difattis
ne filu e ne corda,
e nemmancu ispera de coRdonzu;
forzis si bi lu attis
tue già ti l'abordas,
nd'at a bessire bell' un'isposonzu
eo sola mi c'ando
in pabilu bos mando
iscrittu chi no nd'appo su bisonzu...
... ne de s'atter' o s'unu
pritte no app' 'e tesser cun neunu

Lussorio Cambiganu 

Tando s’isola grega
No est sae prima
Ma Itaca, Penelope ses tue
Nemmancu sa tega
Ne dae pes a chima
Nde coglis de s’amore fue – fue
Menzus chi cussa tela
Tue frundichela
Si no vintannos istas al’ in cue
Isetend’ a Ulisse
Lassas s’amore frimmu a perisse

Giuseppe Pintore *

Ite limba malas
pero no mi peleas
pro un'iscuta chi so mancau.
in pes jiuto alas
comente Achileas
gherro che Agamennone e Menelau.
Chi manca Criseide
mi leo a Briseide,
e su contu eni subitu aparizau.
Rinu ca est iscapu
a cumpanzia si leat'a Priapu.

Paola Black ---

Mancu mi fia posta
a l'isettare tantu
cussu pillell'allegra d' Odisseo;
ca l'at fattu apposta
pro si leare bantu
in ziru peri su mare, nar' 'eo;
Penelope fidele
si fit pappande fele,
l'isettiat paris cun Eumeo...
...fint ambas duos maccos
chi l'ant muntesu postu e baraccos...

Giuseppe Pintore *

Calipso lu tratene
cun amore profundu
cue Odisseu ses postu a prope.
mancari istesi bene
ca lu fi vagabundu
intzeghidu a finze su ciclope.
vintannos es mancadu
ma no at ismentigadu
s'amore chi aiat pro Penelope.
Cussu no es difetu
ca su palpitu intendiat in petu.

Lussorio Cambiganu 

Priapu in monumentu
Bernini ‘at postu
Impare a sa bellesa ‘e Flora
Bi restat s’ammentu
In su marmure tostu
De su rattu chi issa l’addolorat
S’amore ben’ intesu
Mai ligad’ e presu
Est cussu chi su mundu nde colorat
Est unu zigante
Ch’ abbunadat in sos coros a s’istante.

Giuseppe Pintore *

No li fetas su tempiu
a Priapu paganu
chi no ti moris de su disisperu.
Ne mancu po esempiu
lu les no es galanu
pero chi de su membru ses fieru.
Sighide a fiotu
ca bo lu lasso totu,
a mesura po gai su misteru
in donni ambiente
isvelare podides a sa zente.

Paola Black---

A bitte lu difendes
a Odisseo como
chi no mi paret mancu lu meritat
tue onore rendes
a unu for' 'e domo
zirellu voluntariu ch'a iscusa impitat
sa maledissione
de Poseidone
cando ch'imbeze fidi sempr'in gita...
...Penelope fit tonta

e iss' in long' e larg'a fagher monta!

Paola Black----

Priapo est nomenadu 
finzas a dies d' oe
pro esser simbul' 'e sanu vigore:
"priapismu" nadu
a l'aer che boe
semper in tiru, semper in calore
intro de su lettu, 
pero' de intellettu
mi paret anzis cherbeddi-minore...
...no si nde salvat unu:
eroes, mitos pro me sunt nessunu...

Lussorio Cambiganu ---

De Priapu s’onore
Est istadu connotu
Dae antigos gregos e romanos
Ancora est su mitu
Presente e remotu
De ateos, credentes cristianos
Dae sa pizzinia
Nde sighini sa ghia
Pro fagher bider chi nde sun dotados
Est de sa natura
Sa prima cosa. Semen’ e aradura

Giuseppe Pintore

Fit simbulu virile
fines pro amuleto
lu ponoan in tuju sas feminas.
fines in su jannile
pro prejos e difeto
l'aina antzianas e signorinas.
Ma fines po malizia
sa feminas patrizia,
a usu fit puru de sas concubina.
como peus de prima
a priapu lu tenen cun istima.



Paola Black

Che a Priapo s'agattat
omines in tottue
in domo, in cumbent' e burdellu:
dognuna si nd'attatat
dognuna cheret suer
da' cuss'iscett' a cussu carradellu,
ma finida sa festa
nara ite lis restat
in manos pezz' allizadu gravellu...
...chi cun meghina bleu
chircant de sanar' istragu feu...