Sas lacanas de s’anima
De pensamentos bonos si nd’ agatat
che luzana niedda e saliosa,
terra de briu, de humus generosa
cando su chelu dae altu la bagnat.
Tando fin’ issa che virzin’ isposa
su sinzeru amore aberu donat,
e-i su coro che ischiglia sonat
su semen de sa vida inie bi posa.
Sa terra ‘ona in donzi adde abundat
abias semen ruet in una losa.
Onzi vivente de lagrimas profanu
Faghet a bisu sou de s’interessu
Unu disizu mannu ma pelfessu
Ca prestu si bi brujat sa manu
E tando naro cal’ est s’onu essu
“Mata piena o animu sanu?”
Nessun commento:
Posta un commento