peregrinagiu a sa Madonna 'e Crasta

Peregrinagiu a N.S.’e Crasta

Ancora isteddos lughent in s'aera,

medas, acultos sunt in paja 'e chentos

mancari sunt tres o batoghentos,

 santa Sabina, subra ‘e  nois impera.

Lassada l'amus ispintos dae sos bentos

de N.S. 'e Crasta in fide e ispera,

a passu 'e marcia 'e milite, ei sa chera

isplendet  sos fideles manu tentos.

Dae ‘aidu puntados a coghinas,

in sa falada manna de s’istrada

dae antigos romanos piastrada,

cantan sos gosos ‘e bonas fainas.

De ‘unne attraessada sa cuntrada,

bonos pastores ‘e dritas ischinas

nos dana joddu, est che a meighinas,

in arvescher de  sole a manzanada.

Ite sulenu cominzat sa falada,

idimus como  su campu ‘e utieri,

andamus duncas a pasu ‘e passizeri

ei sa trumba riprendet sa cantada.

A faca de ‘Ulumene maneri,

bi restat solu aizu ‘e ammentada,

ispantu mannu istoria ‘e patada,

neune ischit ue richesa feri.

Poi e bator oras de caminu

a s’istradone mannu assupridos,

de famine e de aba sedidos,

aprontadu  pro nois pane e binu.

 Saludos mannos pastores cumpridos,

bos accumpanzet fortuna e divinu,

como s’alenu est santu in su sinu,

 alciat’ a chelu pregadorias e gosos.

Aparit che a Mosè su Segnore,

mujamus  conca in signu ‘e devoscione,

in situ ‘e romanos  si cumpone

romanica basilica fiore.

Bella ‘e pedras duos colores pone,

 zente ‘e idda faghet  pro te unore

chin alimentos e binos de colore,

turrone ‘onu de antiga tradiscione.

Totos intentos fideles e cumpridos

ascultan missa de idda babai,

custa est die chin no ismentigan mai

sos patadesos in paghe assupridos.

Falat beneiscione, est sempre gai,

totu rispetan usos semper  ‘idos

e prima ‘e leare issos lidos,

faghent festa chi no morit mai.