Mama nostra ‘e Bonaria
Bonaria, abbaidende s’ Argentina,
dasa sas palas a s’aria levantina,
regnas subra ‘e su montiju anticu.
essende in armonia chin su sicu.
Mama nostra b’ada postu dimora,
riparu zeltu at dadu a d’ onzi ora
e s’isventura de cusos marinajos,
at aprodadu in terra e castedajos.
Come ses tue sa rejna santa,
pro nois ispera allegra, tota canta,
patrona ses de tota sa Sardigna
finzas si de a tie no est digna.
Ajua totu sos abisonzados,
teneche atesu dae nois sos pecados,
mantede folte in nois sa fide
aberi ojos a chie meda no bide.
Sa ijone intendo de anima e de coro
richesa ‘era, zeltu no chei s’oro,
pro su bisonzu est santu e beneitu,
chena rejone restasa solu apitu.
Pregadorias pro te no bastan mai,
pro sos anzones chi curen in guai,
pro sa Sardigna e chie bi ponet passu
daeli folza e fide in d’onzi zassu.
Mama nostra ‘e Bonaria
RispondiEliminaBonaria, abbaidende s’ Argentina
regnas da’ subr ‘e su montiju anticu,
restas in armonia chin su sicu
dende palas a s’aria levantina,
Mama nostra at postu dimora,
ue sun naufragados marinajos,,
in s’ aprodu ‘e terra ‘e casteddajos.
riparu zeltu at dadu a d’ onzi ora.
Come ses tue sa rejna santa,
amparador ‘e tota sa Sardigna,
finzas si de a tie no est digna
pro nois ispera allegra, tota canta.
Ajua totu sos abbisonzados,
istringhe folte in nois sa fide,
abberi ojos in chie pagu bidet,
munten’ atesu ‘e nois sos pecados.
S’ ijone naro de anim’ e coro
in su bisonzu est santu e beneitu,
chena rejone restat sol’ apitu.
richesa ‘era, meda pius de s’oro,
Pro terra sarda e chie bi ponet passu
pregadorias chi no bastan mai,
pro anzones chi curen in guai,
daeli folza e fide in d’onzi zassu.