Orune

Orune

Comente una crabola curridora,
mi faghes  brincare a sa sola
sa fantasia chi movet  che mola,...
pessat’ a tie, augurios e in bon’ora.

Sos ammentos in conca chi mi bolant,
cando mannedda bidio a talora
e tzios mios mi giughian a fora,
in sos zilleris e 'ue sa zente colat.

Bella, pasada in sedda soliana,
bides sas baddes e sole in oriente,
sa vista tua est  semper balente
pares chi tenzas mariane in tana.

Sas artes tuas sun semper presentes,
sa pizinnia ancora pius galana,
ite at a  esser si como paghe b’ana
in armonia ‘e coro pro sa zente.

Orune tene forte ambos pese,
no dias palas a sa bona sorte,
fortuna tue la giughes in corte
bastat d' isperiare su chi sese.

As dadu pro sa patria vida e morte
ses bidda de Barbagia, ses su faru
dende sa vida a Antoni Pigliaru
ses  zitadina digna, bella e forte.