mercoledì 30 novembre 2011

Bosa


Bosa

Bosa est una bella zitadina
Posta  a faca  de su riu mannu
Temo li naran, bi pioet onz’annu
Lassan pioer  abba  russa e fina.
Poi cantada l’at  poeta mannu:
Murenu Merchiorre  li cumbina
In otada, bator’ o  terzina
de  cumprimentos chi li faghen dannu.
De cussu mastru chi logu at unoradu
Chin  su rimare sou  e sa presentzia
Devides cumprendere in passientzia
Su disaogu chi l’at riservadu.
Ca’  tota  cussa manna penitentzia
In art’ e poesia at furriadu
Sos ojos suos sa lughe an oscuradu
Ma s’est atzesa in  coro e intelligentzia.

a s'improvisu...chin Pintore













Poetende  a s’improvisu..chin Pintore


A mie paret custu gruppu minore
senza mancu lu cherrer si ch'ses mortu,
como bos giamat'a s'appellu pintore
pro lu torrare in vida, e poi risortu
calchi gara faghimos a primore,
tantu de no nde pelde s'acunnortu.
Narademi bois chi sezis prontos
in poesia a saldare sos contos.


Lussorio Cambiganu

De custu grupu pagu eo ischia
E gratu como rispond’ a s’invitu
Beppe mi punghet che a un eritu
Idende si paraulas m’essia-n
Si tue de ammie fis apitu
Accolla  sa  pobera poesia
Cussa  chi mi donat sa conca mia
Pro dare piaghere a custu situ.



Deo ti naro solu benennidu
proite isco puru cantu ales,
semus pagos peroe no ba males
deghe e otto semus as bidu,
es minore su gruppu ma s'est'unidu
intramos puru in temas geniales.
Cun sos ateros amigos a cunsonu
passamos in allegria un'ora in bonu.


Lussorio Cambiganu

Tue chi semper rispundes a tonu
As in sa mente temas geniales
No bastan  de paraulas  cuintales
Bi cheret arte, frigura  e sonu
Tando chin orofinos  ispeziales
Si cosin versos  e atera cosa ‘e bonu
No b’at  paura ma solu disizu
Cando  babbu faeddat  a su fizu



deo fortzis soe su pius umile
de totu custa sarda manna corte,
peroe chi de cantare tenzo sorte
m'agradat a tenne caru su cuile.
Tue mi faeddas cun coro gentile
ca l'ischis no so robustu ne forte.
Aboltas si oltana puru sos chelveddos
e mi fuo a su sonu de i malteddos.


Lussorio Cambiganu

Tando est chi tue ides sos isteddos
E campos  ogados  a beranile
Ca mannu est su tou istile
Fatu che  iscultore in iscalpeddos
Tue chi no connosches sa vile
Lintura ‘e pes  comente sos catteddos
Naras  in cantu  su chi conca tua
Ti dettat e no faeddas a s’accua.



A mi che pigare a su poju
mai apo pensadu sena meritu.
Es solamente innoghe s'aboju
cantende sena sonu in'iscrtu.
Lu faghimos setzidos in s'abitu
senza tenne paura de su forroju;
chi aberi sa conca perra perra
poninde sa carena in cuntierra.


Lussorio Cambiganu

Est  pro  gosare, no zeltu pro gherra
Chi de paraula faghimus sa virtude
Che  domadore  chi a caddu rude
Li ponet  sa briglia e isse s’isperra
Comente  onz’ animale in gioventude
No cheret nudda chi a isse l’inserra
Solu innanti connoschet  su padronu
Chi in sa doma l’at fattu mannu donu.

martedì 29 novembre 2011

..a su grupu "solu in sardu"








Solu in sardu

In custa cumpantzia sol’ in sardu
Si podet faeddare  tota die
Siat  a seriu che a rie – rie
Dae manzanu finzas a  sero tardu
Assuprin dae totue, dae ‘ue si siet
Abias dae terra grega chin riguardu
Beppe Pintore  mandat sos saludos
Gai sentidos , de l’intender sos suldos
Totu che  dan una bona manu
Andende a sa bratzeta e in bonu coro
Dae sa Nurra  a su Logudoro
Si passat a Gaddura e Campidanu
Totu abojat provintzia de Nugoro
Ozastra, Barigadu  ‘e Oristanu
Mariedd’ e Ossi est su regista
In umilesa  sa fide si nd’ achista. 

venerdì 25 novembre 2011

Ti' Antoni...... (a Antoni Palitta)



Ti’  Antoni.       (a Antoni Palita)

Oè..ti’ Antò.. fio isperiende
sos  cuadernos chi azis  lassadu,
iscritos  dae cando  bois  gioghende
in gioventura , eppo’ in tempus passadu.
Nd’ apo coglidu cando fizis gherrende
chin cussu male chi mai bos at dassadu,
ma  in su tempus  passadu gai o peus
mai  perdid’ azis s’ amore  in Deus.

Mi so ammentadu cando minoreddu
rientraio  a domo da’ iscola,
e bois  in su giannile chin manneddu
mi  giamaiazis: “aculzia a sa sola”.
Chin  faghere  umil’ e tenereddu
a boghe lebia, sonos de  noitola:
“sezid’ innoghe, oga su caltolariu
istudia meda, no sias beltulariu”.

Fizis e sezis  de idda testimonzu
de sas ideas  e de sos pensamentos,
de chie at dadu tantu in su bisonzu
e chie de idda a peldidu ammentos.
Ma sempre  ‘ois chi d’unu fagher conzu
no  bos  bessiat dae ucca lamentos,
azis  pessadu sempre ‘ue si sia
de faeddare chin alta poesia.

recita a soggetto


Ciò che si vuole

Ciò che si vuole
di vita è il suo progetto.
Quello  che  duole
può  diventar oggetto
d’umor che  si nasconde nelle suole,
e  poi la vita si recita a soggetto.
La vita..certo,  ti lascia  un po’ giocar
poi ti ricorda  … che la devi amar…

domenica 20 novembre 2011

Pintura..mai pinta













Pintura mai pinta..

Un' aidu   s’abberit in sas rocas,
dend’  a su mare un’ iscampiada,
istrintu che tuj' e   brocas
a s' acerada   restas  ispantada.
Paret  chi s’orizonte guasi tocas,
e abbrazas su ch’ ides a s' ojada.
coment'  una pintura  mai pinta:
chi  s’omine no  l’at  alu  binta.”

Sas rocas isculpidas a carignos
de' bentu  chi sulat dae maistru,
paren  d’umanidade cussos signos:
dolores  chi pienan su registru,
fatu  chin disaogu e impignos
da’ intelletu mannu e med’ abbistu.  
chin sa manu diliga  sa  natura
at  fatu  custa bella pintura.

Totu   abbojan  cussos elementos
chi  sun  de vida forza e amore:
sa roca, s’abba  e sos pensamentos,
su nibberu  antigu  e su dolore.
Sa rena.. movida dae sos  bentos,
faghet giogos  chi torran a minore,
sun  signos  de vida galana e dura,
sas costas sun  de s’alta  Caddura.

sabato 19 novembre 2011

gai est sa vida..!!











Gai  est sa vida..!!

Comente  d’ innanti cussu ‘entu
chi naschet a meriu in su  deseltu,
gai  su tempus passat de zeltu
dae su nudda  a sos  fadados   chentu.

Iss’ atraessat  chin fagher espeltu
a bias  lestru  ateras  a rilentu,
su mare  nostru  pustis torrat a terra
 fruscende  che sas  cordas de chiterra.

Paret chi diat calura in s’ijerru
cando  padron’ e domo est su fritu,
finas  chi no li naran: “ maleitu!!
proite  as atidu cust’  ’ilferru?”

“No bides aite puntu asa gitu
sa terra, tosta est che su ferru.”
Gai  sa vida..est una gherra,
cando pares bolende rues a terra.

Pustis a chelu alcias sa mirada
isperiende si b'at  un' ispera
a segus nde  preguntas su perdonu

assigurende  un fagher bonu.

in su fratempus ti bogas sa bisera
e sa promissa est già ilmentigada.





la noia..


La noia..

Ove si spinge l’umana volontà?
Qual’ è la forza che si tiene nascosta?
A ben vedere  prevale la viltà
Oppure la fiducia mal riposta!!
Son  più palesi le contrarietà
Ciò,  per cui esso pare fatto apposta.
Delle virtù..  nell’ umana ragione
Poco si vede  in ogni situazione.

Questa è di vita la strana condizione
che ruba  al senno  del suo viver degno
si cerca strana una combinazione
ove si possa viver senza impegno
quale che sia  la degna soluzione
prevale  spesso  il meno quale segno
è proprio strana  nella nostra vita
la strada sempre curva..mai diritta.

Capita allora  che sfugga dalle dita
Quello ch’ è stato  un sogno od un progetto
Sfuma  dalla speranza  assai spedita
Ciò che  da sempre si è ritenuto oggetto
L’immagine ormai sembra sbiadita
I sensi  lascian la ragion e il  petto
Allor del tempo si cerca solo il boia
Per ammazzarlo  nella vuota  noia.

venerdì 18 novembre 2011

picapedreri

picapedreri

Custa bella pedra ismeraldina
Ogada dae sa mat’ e su monte
Paret cara ‘e Gianu bifronte
Pro fitianu e die ladina
Est s’artista chi faghet de ponte
Tra un’ idea e s’atera ighina
Dende virtude e vida a sa rocca
Comente s’abba chi pienat sa brocca.

giovedì 17 novembre 2011

bona noella


Bona  noella

Politiga podet esser un’ arte
chi dat sulenu  a penas e dolores,
pius  de sabientes  e dutores
podet ponner  su male a parte.
No est  chistione de colores
o omines bennidos  de’  Marte,
est un impignu  mannu culletivu
‘ue niune est dominus ne divu.

No mi chelzo imbelgher in s’atrivu
de dare   issa  gloria o  giudisciu,
zeltu,  su male e bene est ammisciu
a  chie  inie bi faghet arrivu.
Cando paret chi totu andet lisciu
e chi in punzu  siat s’achivu,
eccolla  arrivada  sa  noella
“politiga at peldidu favella” .

‘Oe sonad’ at sa campanella
de  tales  chi  occupan  s’iscrannu,
lassan  podere  pustis de su dannu
a una  noa  pisedda  virzinella.
Nachi  chi no madurat manc’ un’ annu
custa  amada ‘e totu reginella,
no biden  a unu prammu ‘e nare
“ finidu an ,pro sempre de furare”.

mercoledì 16 novembre 2011

Nugoro


Nugoro

De Nugoro s’ispantu restat tale
dae sos tempos de sa prima pedra,
de sa Barbagia puntu ‘e cabidale
in Sardigna  semper  ‘olat lezedra.
Inchende s’invasore criminale,
virzine che istoiga puddedra.
Milla!! a issa parad’ a s’Ortobene:
Alu li naran ..de sa Sardign’ Atene!!.

Ite bellos chi sun  cussos riones
antigos de istori’ e intelletu,
fatos chin pedras  e bonas rejones
ancora   sun inie  in bon’ isetu.
De sa literadura campiones
est  patria, mama eppuru fadu eretu.
De Satta sambenadu restat  ranu:
de Salvadore, Franziscu e Bustianu.

E tue Rosalba, inie o innedda
Semper  la mudas che Grascia ‘Eledda.

martedì 15 novembre 2011

.. L’Italia è una fanciulla presa in giro!!


L’Italia è una fanciulla presa in giro!!

Orsù::!! Dunque Marò ti sei pentita
D’ aver sposato  l’Itala vestigia
Non aver mai seguito  dipartita
 e  le  radici e sogni  con  valigia?
Seppur  le tua vallata sia fiorita
La vedi come una landa grigia?
Ma dai !! Marò.. tira un bel respiro
L’Italia è una fanciulla presa in giro!!

Esser.. se stesso..


Esser.. se stesso..

Basta l’idea  di volarti accanto,
per  sussurrar  a te  quanta delizia
genera  al cuor  il tuo sguardo d’incanto,
che  porta  via lontana  la  mestizia.
Gioia e sorriso  e persino il pianto
appaion  come dono di giustizia,
in  praterie  di  dolo e sofferenza
fioriscon  rose e gioie in tua presenza.
Il dì,..si  fatto luce nell’ auror
e  ‘l sol d’incanto lievita  nel ciel,
tutto  ‘ l creato  d’  immenso  suo stupor,
s’ apre alla vita, levando  oscuro il  vel !!
E’ della vita la  meta più  più giuliva:
esser se stesso!!! , persona sempre viva.


lunedì 14 novembre 2011

tempi moderni


tempi moderni

D’umana specie la terra ben  si pregna
negli elementi  che  duran sempiterni,
essa per poco  ne limita e s’ingegna
per  dar  ricordi nei libri ed i quaderni.
In un fulgor di tempo  si rassegna
a dar di sé come “ tempi moderni”,
nulla  la storia  passata ad esso insegna
per cui  Narciso e Marte ancora regna.
Dell’ arti,  di bellezza ed il  pensier:
restan vestige  scomode silenti,
un testimonio di stupido forier
rivelatore  delle umane menti .
Il nocuo ardor per se  unico alfier
mortifica  intelletto  delle genti,
l’angustia  del possesso  in essa  regna
così  la vita passa  e nulla insegna.

domenica 13 novembre 2011

Dai Casteddu!!..Forza Gigirriva...!!












Dai  Casteddu!! ..Forza gigirriva!!!

Dai  Casteddu!! ..Forza gigirriva!!!
Alu mi sento cuss’ urulu in su core.
Ite bellos mamentos  mi mutiva-n
como  sos sentimentos   de amore ,
ch’ apo pro te  iscuadr’  alu biva
ispinta dae sos tronos su rumore;
tue de totos sardos fis sa diva
dae lunis a dominig’ isportiva.

Dai gigirriva!!! ..E Forza Casteddu!!
Intr’ e su coro cuss’ urulu mi sento,
su sambene uddende a su cherveddu
che pigaiat,e  como ben’ ammento  .
Dae cando  fio alu  minoreddu,
de mitos  chi a ilmentigar’ istento
pro  s’iscuadra  chi dae pisedu
su coro zoccaiat a tocchedu.


sabato 12 novembre 2011

Pro ojos tuos..(trauduzione da "solo per i tuoi occhi" di Ioanna Brau)


Pro ojos tuos..

Sos ojos tuos: duos ismeraldinos;
Donosos a s’ojada mia
In sos mannos  ispazios
de su mamentu.
Mentres de cust’ amore
Mi ballat su coro
E nois abratzados
Nos passamus  sorrisos..

...vid' est bella...!!!


..vid’ est bella..!!

Sa vid’ est bella… si la leas comente
una istrina  falada dae altu,
no est  una lughe apparente
ma  ghè  sos rajos de sole de maltu.
Issa es bona  si li pones mente
e no la tinghes  de  ater’  ismaltu,
che cussos rajos .. issa faghet bene
si no s’ abusat .. de  sou cabuene

Ahi vida!!  Aite  no t’ aparis
comente  una mama  virtuosa?
Aite chel’ e mentes  no ilgiaris,
fatendelis cumprender  chi sa cosa
no at valore  si no andat paris
chin  cusciescia  pulid’ e  generosa?
Su piagher’ est mannu in su dare,
de retzire si podet ‘istare.

Cantu m’abizo  chi est  chei su fumu
su  chi s’idet   a sa prim’ ojada,
movet  de s’umanu su presumu
acuvende  sa prenda pius amada.
A sa rejone  li leat su numu
Imbuchende cuntraria  caminada,
bisonzat de sighire un’ istella
chi brillat intr’ e coro e,… vid’ est bella..!!

venerdì 11 novembre 2011

sonnios ispeldidos..


Sonnios ispleldidos

sas lagrimas  chi tue ses versende
a lutias, chi paren  cristallinas,
onzi  buttone nd’ ogat un’ ispina
dae su coro  ‘ue ti sun punghende.
Paren  bessende  che a ballerinas
in punt’ e pes , poi olan che mina,
sun sos ammentos  dae cando piseddina
t’abaidaias  d’isperas in s’edrina.

‘Ue che sun como cussos isettos?
totu los as ispesos in mal’ usos,
no los agatas pius  in sos peltusos
de su cherveddu  o d’animu sos littos.
Cantu t’an dispensadu,  tand’ illusos,
como a issos totu los an gitos,
no t’ at restadu mancu una frina
de cussu ‘entu  fort’ e piseddina.

Ite ti restat como de un’ ispantu
chi  si presentat  gai a sa  mudina,
nd’ as piaghere ancor’ in aguantu?

Oburu  as tue mujad’ ischina?
Ca pessas  de aer patidu tantu
ebai ses bezzu ..no pius piseddina..!!!

martedì 8 novembre 2011

cando gioghende....


…cando gioghende   (traduzione  da ..Mentre giocando.. di Ioanna Brau)

Sun iscaltos de nues:
sun  istorias nostras.
Sun suspesas
subr’ e a nois
e diventan ammentu.
Lean frommas istranas
istranos colores: imbelghendesi.
mentres nois
meres de su tempus nostru
giogamus a nos fagher male:
pustis de nos esser amados.

lunedì 7 novembre 2011

passione.. pensieri erranti!!


Passione..pensieri erranti!!…

Pietra preziosa uscita dal creato
Qual  artigiano ha reso questa forma?
Forse  una dea ad esso l’ha ispirato
Per dar fattezza  e alla bellezza, norma!!
Oppur  sei  tu  che ‘l cor hai rapinato
Di tutto  ciò  che la mente informa,
Rendendo  quel che vien dalla ragion
Solo  una miccia che accende la passion? 

domenica 6 novembre 2011

'ola Patada
















‘ola Patada


Parizas biddas cando t’an frommada
unendesi in cucuru de monte,,
da’ Iduvè, Lerron s’incaminada
leadu at sa zente custu fronte.
e  da’ e Unne an fatu sa pigada
impare a Bidducara an fatu ponte,
solu ‘Antina s’est arrenegada
ebbai sol’ inie est restada.

Sa idda de Patada in poesia
at mastros dae sempre de valore,
dae Lerno, monte Unne a sa Pastia
bi 'olat una musa fat’ astore,
su monte d’ Elicona chi est imbia
lu paschet de idda unu pastore,
totu poetas sun sos patadesos
lezerigan sos coros de' sos pesos.

‘Ola Patada, chin sos fizos tuos
as alimentu pro poder navigare,
totue ses digna tue de andare
lacanas brinca, tancadas a rujos,
Ap’bidu zente noa tribagliare
in bighinados jaros e iscuros,
b’at pinzos noos in jaos e muros
in sos frailes de su ferr' atalzare.

Intendo noamente sonare
su zoccu ‘e su malteddu e de su ferru,
chissà chi custu impedat su disterru
a sos piseddos chi cheren restare.
Eppoi s’asci’ e su male in interru
paret postu tot’a  ilmentigare,
si la sighimus custu semenare
si passat a beranu dae s'ijerru..

No dedas cara a chie nde narat male
de sa comunidade patadesa,
est solu zente mal’ e vilipesa
tiat cherrer solu chi raju bi falet.
bos naro eo de  muntenner s’intesa
ajuadebos totu che carrale,
azis a bider chi chei su sale
at a cundire piat’ in lestresa.



Posta in su montiju soliana
a lacana ‘e Barbagia e Logudoro,
dende sas palas a sa travuntana
abbaidas sos montes de Nuoro.
Totu a mie ispantu mannu dana
sas baddes chin sa natura issoro,
dae sant’ Ainzu abbelta sa ventana
de vista e piaghere nd’assaboro.
De Monte lerno  e cussa punta cana
sas roccas mi cunfoltana su coro,
cando tanco sos ojos mi ristoro
iisculto cussas frinas d’aria sana.

Sas notes  jaras  sun puntirinadas
dae sas biddas  postas sut’ e te,
t’ adornan  comente  bellas damas
chi  allegran  sa  corte de su re.
Ma tue  rejna de sas pius famadas
de zeltu no las cheres sut’ e pè,
a totu  rendes   glorias meritadas
chena pedire nudda, ne pelchè.
Sut’ e Limbara   bi nd’ at duas  pasadas:
Tul’ e Belchidda chi brillana de se,
a s’ ater’ ala sos montes de   Lodè: 
Osidda e Buddusò  benin  miradas.

De monte Santu  a terr’ e Meilogu
s’ iden  sas frommas chi sa natura  dada,
antigas terras  de vulcanos e fogu
‘ue  Aldara e Mores   collocada.
Dae Coghinas a Sant’ Antiogu
‘e Crasta  chin basilica  pesada,
est un’ ispantu totu cantu su logu
chi s’idet   dae sa punta de Patada.
Paret  chi siat resessidu   jogu
chi sa natura  at dadu a sa  leada,
in  frommas  divescias colorada
onzi  disizu  at apidu s’isfogu.

Sarda sa limba e sa faeddada:
indulchis d’ armonia s’orizonte,
tue sa pius bella in s’ incuntrada
posta ses in sa sedda de su monte.
Pares sa reginella tue pasada
subr’ e su passamanu de su ponte,
dae totu mirada e ‘antada
ses tue sa idda mia ..oh !!!Patada.


torra Pattada..no m' istes assente
nessi in su coro e sa fantasia
sie atesu o sie presente
sempre ti gito ligad' a sa mente
Dae atesu t’ ammento..oh !! ‘idda mia
Faeddos chi muntenen limba ‘ia
Che tando, totu restat comente
Nudda passat .. ses tue sa pitzinnia..!!

che a ruos de adiu.

















Che a ruos de adiu







Che a ruos

Intendo
sas paraulas tuas

Chi lassan raffios
in su coro

Chi como istat mudu
biintu

et acumbessadu--!!










































isperaglia 'e lughe


Isperaglia ‘e lughe..

De totu sos perigulos in vida
sun  meda  cussos chi no an valore,
non alen zertu  pro cuss’ atrivida
chi causat  tristura et dolore.
Si chilcat una prenda mai ‘ida
pessende de aganzare s’amore,
su chi  leat  a totu pessamentu
chi podet esser  gosu o trummentu.

Tristes sos coros  chi palpitan invanu
No  an perunu pasu  in su  mamentu,
ponen sos passos   pianu- pianu
chilchende  de nde coglire s’ammentu.
Cando lis paret de l’ aer in manu
lis fuit che neul’  a  su ‘entu.
Tando su coro s’istringhet che  nughe
e ojos  tancan  ,, isperagl’ e  lughe.


sabato 5 novembre 2011

sa lughe tua


Sa lughe tua..

Olas  che ‘a columba  bianca nida
subra  sos chelos dae s’oriente,
a  sa prima lugh’ e s’arveschida
 intras in conca e  leas sa mente.
Pro totu ses bellesa, pro me vida
si mancas tue , sole ido morente
in palas  si che cuat in su monte,
e  lughe sigo  fin’ a s’orizzonte.

bella...


Bella..

Immagino che in vita una parola
t’ abbia  suonato sempre per l’orecchia,
come una  rondine  che posa e poi s’ invola
noti  lo sguardo di gente,, assai parecchia,
sottile sussurrio  col  nodo in gola
vorrebbe  dirti  “che agli occhi tuoi si specchia”.
Parola poi tu senti..    sempre quella,
“Tu sei fra  mille stelle.. la più bella.!!  “

E tu che fai ..per  meglio conquistar
Il maschio ardor, col tuo femmineo  ingegno?
Lanci  lo sguardo che pare poi sfumar
in un ‘si vago e sottile impegno.
Par che il pensier con te voglia volar
senza  che traci  del cammino il segno .
Sfuma così il sogno di  una stella
che cade ‘si veloce,,,seppur bella!!!