CANDO BOS DO'...

Cando bos do...

Cantu bos do,  bois   mi torrades

no poto esser  ‘eo a lu pesare,

sun  cordas de chiterra in su vibrare

chi  moven   sonos e  bois iscultades.

Sa  melodia  ch' essit  in su  sonare

currispunden a sinnos iguales

bessidos bene o puru fatos   males

a modu  de los poder cumparare.

De zeltu  cando  tocco su coro

m’abbizo  d' aer  s' idea ben’ istesa,

ido de l' aer coglida in bona presa

e sos  ateros  isetos..los   ristoro.

Mai però ap’ apidu pretesa

de dare ferru ‘etzu in cant’ a oro,

ca sos poetas e sas rimas issoro

chilcan de dare  paghe ben' atesa

Essin sos verbos  dae logu fungutu

ue sa manu no bi faghet presa,

finas si sun de vana lebiesa

pigan dae sas intragnas de su  putu.

Sas venas chi s' ilbraman in lestresa

alimentan  sa musa  'e late sutu,

chie ses proadu e in putu ch’est rutu

est cando sa  poesia l’at offesa.