lunedì 27 giugno 2011

a bisu meu....a mio parere


 bisu meu

A bisu meu no b’at atera cosa
de ponner cabu a su ch’ amus connotu,
s’istoria umana como est a notu
torrat in segus a intro ‘e cussa losa.
‘Ue sos alimentos b’ ana cotu
dae cando vida in terra si che posa,
comente manu ch’ abat sa rosa
torramus a natura nois totu.

A bisu meu semus macos finidos
pessende de la poder dominare,
semus de unu presumu a lu pessare
comente chi chelveddu amus bendidos.
Bastat de ider su nostru triulare
pro su petroliu e s’atomo ‘endidos
nos amus totu che malos bandidos
finas su sinnu de sos ch’ an’ arrivare.

A bisu meu si no si ponet mediu
finit male che a carrasegare,
passada chida de istoigu ballare
a melcuris de lisciu su remediu.
Cando su mamentone an a posare
in conca sa chejina a modu seriu,
nos an a ponner chena perun impediu
de Cristos in sa rughe de ammentare.

A bisu meu no torrana sos contos
semus leende su trigu totu cantu,
e-i n isostre s’iscuru in piantu
lu ido como che sorigalzos prontos.
Biadu chie dae fura nd’ istat frantu
s’avididade est roba pro sos tontos,
cando dolet sa mata a iscantos
los intendes chi no nde faghen bantu.

A bisu meu dimoniu est a risu
pro custu fagher macu iscelleradu,
s’ isperu de lu ider cambiadu
in vida mia, mi restat custu bisu.

Nessun commento:

Posta un commento