Amadeus
Aite ti m’abbaidas diai?
cane de Fonne apen’ a mie notu,
paret semper de m’aer connotu
e de non m’aer ismetigadu mai.
Che a Ulisse a Itaca torrai
poi 'e tantu tempus d’abbolotu.
a sa folz ‘ e su gosu tue su zoccu
as fatu cando m’as bidu arrivai.
De Argo est custa parodia
da' ojos tuos m’abbizo.. su mantessi,
chi mai sos ammentos tue peldessi
de cando onzi die ti bidia.
Como tu' Amadeu faghes nessi
d' abboju su manzanu in cumpanzia,
una festa galana chin sa mia
bennida a t’agatare prus ispessi.
Nessun commento:
Posta un commento