Cualeperes e tene tene
In sas garreras de Santa Sabina
oghes de rundine e de piseddina,
misciadas a minetas, pro anneos
in s’ ighinadu a fiagu ‘e cascasina
aparin bellos, finas cando sunt feos
cussos mamentos de bonos impreos.
Sos paracarros a faca de sas domos ,
frimmos che sentinellas militares
postos parian che pedras miliares,
a mazza e punzotto fin ogados
eppoi in sos bicos sistemados,
dae picapedreris ‘e milli fares.
Sa piseddina gioghende a tene tene
pariat afferrende grande bene,
in allegria e bonu cussideru
che passaian arrastos e ilmene.
Sas cualetas poi de su leru leru
fin leadas chin cabu de aberu.
Moroculas e chilcios chin su ferru,
a una monta brincu e imperru,
sas femineddas a su paradisu
brincan in allegria che a pisu.
Sa peus cosa pro mannos in s’ijerru
fit su nie, pro nois su menzus risu.
Nessun commento:
Posta un commento