Fonne
Cando enit dominiga ap’ a ponne
pesantes pinzos pro fritu lenire,
appoi ‘e correboi in su sighire
mi esto ‘e festa pro intrare a Fonne.
Apena ido un’ abila reina
fatende olos tundos a mesu,
falat e pigat, a mie a coro presu
s’aculziat e mi dat una noina.
“como chi ses in masu soberanu,
ue sa zente faghet bona presa,
si de sa idda no leas pretesa
chi ti diet atunzu pro eranu.
Ma si de issa leas essu ‘onu
podes istare che a santu re,
no moves pius ne conca ne pe’
bufas e manigas , sezis in tronu”.
Nessun commento:
Posta un commento