Sos bendidores de majias…
vint’ annos sun passados che innedda
cando bi fit su duce biadu,
est su tempus a co'e istedda
raju 'e lughe che piore faladu.
Sun paltidos ponzendesi sa sedda
pro caminu nou mai leadu,
anzis dae male in peus semus rutos
finas sos cherveddos nos an sutos.
Pro cantu meda in trapula sun rutos
cando lis an iscobeltu sa tana,
che groddes bezos dae canes iscutos
meda los bido ancora a mala gana.
Paren irados che fogos allutos
chi totu cheren, issos nudda dana,
su raju chi los at a pessighire
oe o cras an a dever servire.
Alu convintos sun de cumandare
cando sa zente no at perun’ isetu,
de issos si cheren ilbarrazzare
in parlamentu fagher logu netu.
In d’onzi Istituscione comporada
si cheret solu 'oltare s’ aspetu ,
totu a fora sa zente marrada
chi solu pro interessu b’est intrada.
No an ilgonza mancu e sos parentes:
sos babbos, mamas, frades e fradiles,
cussos chi penziones frecuentes
dae barant’ annos gherrende in sos coiles.
Finas sos fizos lean pro deficentes
furendelis isperas e sos alchiles
Lis naran :” ista mudu bi pess’ eo”
ponzendelos in bratzos de morfeo.
Assimizos
RispondiEliminaSi issos fin duos assassinos
it’ an a diventare cussos fizos,
visciados dae minore chen’ aizos
in vida intran solu a sos casinos.
Ma cando unu dubiu enit a pizos
preguntat a su babu: “ ue sos lidos
de sa persona mia sun finidos?”
s’a gatan de dimoniu in assimizos
Sos fizos
RispondiEliminaAntonietta Bandinu -Ista mudu ,bi pess'eo lis nana
ponendelos in bratzos de una Jana
e gai si creschen chin Edipo impare
domattos dae babbos Saturninos
e sicchin gai e mediu no ana:
Saturno ,Edipo ini e son duos assassinos!
Lussorio Cambiganu
Si issos fin duos assassinos
it’ an a diventare cussos fizos,
visciados dae minore chen’ aizos
in vida intran solu a sos casinos.
Ma cando unu dubiu enit a pizos
preguntat a su babu: “ ue sos lidos
de sa persona mia sun finidos?”
s’a gatan de dimoniu in assimizos
Antonietta Bandinu de dimoniu in assimizos s'agattan
e non cheren nè a Cristos ,nè a Maria
mancari gai pro sa tzente gai accan
parrer chi sun divotos e cantan in preccaria
Son che a isse mattessi: aulaglios
e deicidas dae sos primos raglios ! ! !
Lussorio Cambiganu
Dae sos primos raglios su poleddu
Cumprendesi sa fine ch’ at a fagher
Bellu paret cand’ est minoreddu
Ma poi no s’ischit it’ at a daer
Massima cosa chi b’ est in su cherveddu
Est sa oghe ch’at a sighire a raer
Cussa zenia essida dae nudda
No balet una conca ‘e chebudda
Antonietta Bandinu
RispondiEliminaCristos Perdonadore chin umilidade
at triunfadu ponendesilu a sutta
e graida manna sa Mama ,dae tottus catzada
fin'a Betlemme a sa Grutta che l'at giutta
Dae cussu ,no m'irmentico mai
Che a Cristos nemos bi triunfat
e si no est de goi est de gai !
Lussorio Cambiganu
No bi miscemus a Babbu Mannu nostru
In custos argumentos de viltade
Isse nos at nadu in veridade:
“Su mundu est pro bois est su ‘’ostru”
Solu podimus pedire piedade
Pro cantu nd’ amus fatu unu mostru
De custa terra chi at perdidu s’astru
De su caminu sa lughe nos istadade.
Antonietta Bandinu
RispondiEliminaNon bi lu miscio a Babbu Mannu Nostru
chin cussos "bendidores de majias"
e dao rejone chin discernimentu
custu est su toscu e custu est s' alimentu
Sebastiano Delai
Deus, canno s'omine at criadu
l'at postu a capu de totu su mundu
ma da-e deretu a isse at ammustradu
su vene ei su male in d'unu 'Unnu.
Cuss'arvore 'it sa limitazione
de sa vita donata in sa Creazione.
Lussorio Cambiganu
Dae cussu vundu de melas rubicondas
Est falada sa serpe ammaliadora
Gai li namus como sa colora
chi nos porrit cussas melas tundas
però..no est gulpa sua si otora
nois pigamus sempre cussas rundas
de vanidade e viscios fecundas
mandende sas virtudes in malora.