mercoledì 27 luglio 2011

presumu mannu de una femina..


A una femina de presumu mannu

Maria tue nde gighet de rosta
Pares essida  dae su vulcanu
Comente namus nois ses tosta
Femina  sarda fuida dae manu
‘ue si  siat chi  como fatas sosta
Ti sighit s’ urgogliu fetianu
Etando  ischi chi  pro s’unione
Bi cheret   faeddu  e udizione.

De la sighire m’enit sa ‘oza
Ca paret cuntierra singulare
Sas limbas sardas sun de imparare
Ma no sun ugualese che sozta
Totu bisonzat de la rispetare
Ca sun sas fizas  de una terra ispoza
Si li leamus  cussa a colpu ‘e troza
Lean a nois sos ch’ an  ‘arrivare

Su tou faeddare finas bonu
denotat  meda de sa sard’ ispocchia,
no b’intrat nudda  idda o parrocchia
chin  su tou  presumu e su  tonu.
Tue che cussu chi  muzere occhia-t
ca nachi  sos corros  li faghen sonu:
gai acusas  zente mai ida
solu  ca in Patada est naschida.

E tue chi ti mustras tantu bella
no ischimus  ‘ue pones sos passos,
prima  de faeddare dae sos zassos
tias  aberrer noi cussa nella.
Mi paret chi  sos fiancos  sun rassos
de ‘ile  malu mi pares sentinella ,
mi dispiaghet, ma ti lu naro aberu
no ses amiga, ma pubricu ministeru.

Nessun commento:

Posta un commento