Paliu de s’Assunta
Oe pesso de andare a bider caddos,
chi current in su palu ‘e s’Assunta,
cue no andan però a manu junta
zente ‘e fora, de medas faeddos.
Benin dae Fonne e Desulo in fila
Santulussulzu, Carbonia e San Vero,
de idda mia ancora eo ispero
chin caddos bonos assupren a Guasila.
Est una festa de antigu ammentu,
paret de esser in terra ‘e Babilonia,
onzi faeddu cufundet sa muina
de onzi aspetu nde coglio su framentu.
Ido gambales, da ue sun bessidos,
lo gighen lughidos passados a seu,
ite bellesa cust’ istare meu
in mesu a zente ‘e fagher mai idos.
Chena connotos mi faghen bufare,
mi naran “acchirra!!, dae ue ses bennidu?”
“Dae Casteddu su ‘entu m’at pedidu
su paliu ‘e s’ Assunta de unorare”
.
Nessun commento:
Posta un commento