in debadas (2)

In debadas…2

Cantos isfolzos si faghen in debadas

pro agatare in vida  unu sulenu,

cando paret  istelzu ch’ est pienu

ides isperas totu  butuladas,

Naro però chi pro sonniu frenu

sun  che marrazos chena luturadas,

sun  sonos  de campana ilmentigadas,

est  elva  sicca chi diventat  fenu.

A bois naro  chi nudda est peldidu

cando  de coro azis  movid'  abbas,

e fina cando paret  chi l’agabbas

no finit mai de viver su sentidu.

Pro cantu fatas e poi t’arrabbatas

che torras sempre  a su tou nidu,

a cussu  chi no as mai olvidu

chi sempre a donzi passu tue tastas.

No sun chimeras e nemmancu fadas

sos disizos de cando in pizzinnia

dae su laccu  fin’ a s’intirinia

moven  ideas chi parene oladas.

Sunu ispintas  cuntr’ a s’arressia

chi pro  su bene nostru, nos sun dadas,

sun sas isperas o su desizu ebbia

ma  in sa vida no sun  zeltu indebadas