sabato 16 luglio 2011

iscujas..pro isbagliu


Iscujas….



Torrende a d’eris sero in cumpanzia
In sae Bassu bugliende  in garanzia,
Appo brincadu dae padedda in braja
Pro pagu no intoppamus sa saccaja.

Sa bestia pius bella ch’appo in s’ama
 est  s’amicizia e sa cuncoldia sana,
abbias su inu e s’ orgogliu malu
faghet bolare su maccu e su sanu.

ti pedo iscuscia a tie e sos presentes
appo isbagliadu meda grandemente,
in bona fide e chin sa conca a brou
ispero 'e rinnovare dae nou.

pessamus a innanti e a su saludu
ca nudda est sutzessu, so’ limbudu,
pro divertera appo brincadu ‘e laccu
no s’ischit si so sabiu o so maccu.

sa cosa pius zelta e  pius fadale
ti auguro bona pasca e nadale,
a tie e sa familia tua
sa paghe e su saludu bos ajua.

Nessun commento:

Posta un commento