Sias bennida in bonora
De totu sos saludos impitados
totu mi paren dae su coro essidos,
cando dae su fungutu sun leados
paren cunzados ancora innidos.
In casu chi, pro saludu sun dados
rispondo sempre “Deus los apat bidos”,
Si mi preguntan de saludu meu
tando rispondo “bene!!grascias a Deu”
In dies de festa e de sagramentu
si faghen augurios a chent’annos,
unu pagu pro fide o ammentu
ateru pro lenire sos afannos.
Saludu!! naro cando chei su ‘entu
m’agato in presse fatende cumandos,
ma s’in passizu camino a pianu
si nd’ ido unu, l’istringo sa manu.
M’ammento tando chi a su babbai
li naraio sempre “Cristus regnat”,
Isse a segus, chena millire mai
mi rispondesi “semper cum Maria”.
Como su “ciao” nos aunit oramai
che a poleddos chi andan a chilvia,
ma sa pius bella de sempre est ancora
pro totu “sias bennida in bonora”
Nessun commento:
Posta un commento