sas ienas

sas ienas

cando los bido in sa televisione
paren chi bivan in s'ateru mundu
los bido a fatu de sa pultascione
eppoi si ponen totu a girutundu
no an' al' imparadu leiscione
chi su inzegu ch' est in abbundu
sunu alu pessende  de trampare
ateros tempos pro poder furare

naran chi  rezen issos sa barraca
de cust'Italia pagu virtuosa
ma no si su abistos chi istraca
nd'este sa zente de fagher che in Bosa
ca innoghe est falende solu caca
si pioet meda, ledamine si posa.
etando cambiamusu su diciu
cando pioet leamunnos s'impiciu

unu fagher issoro faulalzu
nos est gitende a logos profundos
su famine est benzend' a carralzu
issos nos naran de 'onos abundos
pessende a nois che a muntonalzu
nos cheren bider totu moribundos
sol 'issos pessan de si pienare
sos silos de sa mata, "an' a crebare!!"

in custos tempos de pagu ristoru
issos no faghen a mancu de nudda
sas penziones no s'ischit dae cal' oru
lean pienas e tostas che chebudda
nessi chi lis selvat pro su decoru
pro cando nde lis falat sa udda
sun chen' istima e grabu perunu
mai che como, no nde salvo mancunu