fiama gialla

fiama gialla

M’ iscaldisi su coro pius de pria,
cando pro te su coro bi ponia
e tue mama ‘ona ma severa,
m’asa insinzadu una zereta bia.

Lassamus ruer sa cosa no bera,
torram’ a nois chin boghe sinzera,
tue ses menzus de su chi t’ idia,
m’as dadu meda: sonniu e ispera.

Sa zente b’est de mannu affidu,
ammisciu a cussu ch’est male finidu,
s’Istituscione est de altu profilu,
su fine tou est candidu e nidu.

Custas paraulas coso ‘a oro filu,
sunu sinzeras, si nono naramilu!
eo mi baso a cosas c’appo idu,
pro piaghere su malu finimilu.

Dae atie totu isetan cosa,
siese mama, sorre, sies isposa,
no dies filu a su dimoniu toppu,
in sa giustiscia ‘ona tue gosa.

Issa no est pro nois mai troppu,
ispeldida est in s’ula ‘e gurroppu,
si tue la piscas a caddu e mariposa,
bantu pro te pro atere ‘e accoppu.