sa rena e su brillante
Su sole in sa ren’ e su poeto
custu manzanu at iscaldidu a mie,
impare a sa vista ‘e cada die
e onzi disizu onu chi m’iseto.
L’ischis chi passizende impare a tie
mi pigat s’orgogliu che a Gialeto,
cando pro terra sarda minetada
teniat curagiu e forza a s’issocada.
Ite b’at de menzus “nara chie?”
Cando sole chin aba ammisciada,
et eo sentimentu a fora nd’eto
pro dare a tie finas su chi no b’ ada.
Dae rena nde fato brillante
e che lu cravo intro s’aneddu tou,
rinnovende promissa dae nou
dae sole furo calura a s’istante.
Nessun commento:
Posta un commento