Piseddos no istedas isetende
su tempus 'ostru s'est presentadu,
atentos chi si ch'est già 'olende
su frutu chi azis maduradu.
No istedas sempre isperiende
faladende chie s'est alvuradu,
sun alu inie, e a bois sun nende:
"tot' est comente su tempus passadu".
Chilcad' e cambiare in lestresa
no b'at aficu chin custos carontes,
sa barca issoro la gighene presa
atraessende sos mares e montes.
No an disizu 'e dare manu tesa
ca issos solu cheren esser contes,
etando no bos restat che nd' ogare
su chi su coro a bois faghet bolare.
Chilcade de nd'ogare cussos pinzos
chi bos at dadu in donu sa natura,
luego chi bos moven sos disizos
che cando fizis alu criadura.
Si dades 'olta a totu sos fastizos
custa cuccagna pagu alu bos durat,
e cando bos 'oltades a sa palas
:"ite mala sa solte ch' est tocada"
Cando su tempus ti narat "ajò"
no fatas in debadas sa dimanda,
si no sa fine male 'e Tandalò
tancas sa janna e tucas in randa..
Ma si su carru leas como, però
in cras b' at lughe, e su buju a banda,
pro cantu poto, sa manu ti dò
in custu tempus d'oe ma cras , pius no!!
Nessun commento:
Posta un commento