mercoledì 13 luglio 2011

leal' a bolu












Leal’ a bolu..

Sa vida, pro la poder impitare
s' imbastu in sos cumeros reposta,
no cheret cummiseru cand' est tosta
ma  grabbu pro la poder aconzare.
Si dimanda no agatat risposta
leat  cumpresu ‘e poder  isperare
in cras chin  s' isetu 'e mezorare
chena ponner in conca mala rosta.
A bias cando  passat in posta
foltuna isetat solu ‘e la leare.

Cominzat totu cantu su manzanu,
cando fiore  abberit a sa lughe,
fin’ isse in disizu bonu jughe
de poder aer logu solianu.
Si capiterat pro isse sa rughe
de raighinas  in logu mezanu,
ue  sole arrivit a pianu
e in s' iscuta  tancat che nughe,
faghet in contu chi passet che nue
e-i  s’ ijerru lu leat pro eranu.

A sas primas abbas de abrile
cominzat a pessare a sos bobbois,
ma no comente faghimus nois,
isse los giamat, che  sole in eranile.
Omines toltos cuados che cocois,
fiore abertu s’est a manzanile
e chin grascia hermosa e giovanile
dat colore e frutu  e no che  bois.
Lassende sas pelesas idas, poi
leat sa fortuna pro s’alchile.


Prendila al volo …

La vita,  per potersene servire
come un imbasto ai fianchi,
non vuole commiserazione se è dura
ma garbo  per poterla migliorare.
Quando non si trovano risposte alle domande
se ne fa una ragione e potrà sperare
nell’ indomani, e migliorare cammin facendo
senza  doversi incattivire.
Se guardi, quando ti passa davanti
la fortuna aspetta solo di essere raccolta.

Inizia tutto agli albori,
quando il fiore si apre alla luce,
anche lui ha il giusto desiderio
di poter aver un posto al sole.
Ma se gli capitasse la croce
di sbucare in un posto indesiderato,
dove il sole avviva lieve
e in un attimo si chiude a noce,
fa in conto che passi come le nuvole
e finge che l’inverno sia primavera.

Alle prime acque d’aprile
inizia a pensare agli insetti,
ma non come facciamo noi,
lui li richiama, come la terra cruda il sole.
Uomini stolti si nascondono come lumache,
il fiore si apre all’aurora
e con grazia splendida e giovanile
regala colori e frutti e non come voi.
Lasciando le sofferenze già viste
afferra la fortuna per la gamba.

Nessun commento:

Posta un commento