mercoledì 20 luglio 2011

doighi rosas...

















Doighi   rosas..

In punzu unu matule de rosas
coglidas dae campos traessados,
una dozina  chin foz' e ispinas
totas  divescias, colores atonados.
Las  tenz'in coro pro fagher istrinas
a sos chi pesso sian  sos pius amados. 
Sun bellas, friscas , solu unu colore
aunit  issas   in camba  ‘e fiore.

Sa prima chi passo a cumbidare
est  sa bianca, candida che nie,
ca prim’ in lista est  de  ammentare
 cussa ch’at dadu  lugh' e  vid’ a mie.
Sa biaita che zaffiru ap’ a dare
a sa natura, su mare e su nie,
in vida m’at imparad’ amare
onz’ elementu  chi amus a s’istare.

Sa terza   chi atere ap’ a porrire
est  sa giucunda  groga giovanile,
che a su sole  o luna in fiorire
lughet a fiza mia  in cumpostile.
Sae bator est de bonu estire
sas  cumpanzias de s’era ajanile,
bonos  ammentos pienan sa mata
cussu fiore est color’ e prata.

In  fatu una  rosa canarina
imbio  a sos  chi biven in su chelu,
totu prezisos  sun  como in bedrina
lis mando  unu asu chin s’anghelu.
Pustis che sighit  un’ alabastrina
in punta ‘e pé ,  e chin friscu s’istelu,
la  ponzo in d’unu vasu  indeoradu
pro sos de domo chi m’an sempr' amadu.

Una  color' e rosa  che sa peta
la do a chie vida at unoradu,
no at  timidu peruna mineta
sun cussos chi esempiu m’an dadu.
Colore  ‘e lutu finas si non l’iseta
la do a sa cultura  ‘e Istadu,
ca la impitan  a mala saura
timende  chi su podere  lis furat.

Una bella virzine ismeraldina
coglida  in  onore ‘e sa bellesa,
pro totu  criaduras  est ladina
in mannos meda est sa pretesa.
Sae deghe  la passo  a sa mudina
timende chi mi potat esser resa,
colore  no est malu su marrone
pro sa  custascia in vera opinione.

Una  a sa fide,  remonzo chin isetu
isperas de perdonu in  mancamentu,
colore est  trasparente eretu
che Babbu Mannu in su Sagramentu.
A fine so restadu in manos netu
chin s’ultima  chi alet pro chentu,
l’  arribbo pro s’amore de una vida
sa pius bella  rosa  mai  ida.








3 commenti:

  1. Dodici rose

    Nel pugno un mazzo di rose
    Raccolte nei campi attraversati
    Una dozzina con foglie e le spine
    Tutte diverse dai colori intonati
    Le tengo strette per farne regalo
    A chi credo siano da me più amati.
    Sono belle fresche, solo un colore
    Le unisce il verde gambo del fiore.

    La prima che porto in regalo
    È la bianca, candida come la neve,
    perché la prima della lista che devo ricordare
    è colei che mi ha dato la vita.
    L’ azzurra come il zaffiro la darò
    Alla natura, al mare ed alla neve
    Nella vita mi hanno insegnato ad amare
    Tutti gli elementi che abbiamo in prestito.

    La terza che donerò ad un’ altra
    È la gioconda gialla giovanile,
    che come il sole o la luna nel nascere
    splende nella mia figlia con stile.
    La quarta veste bene
    Le compagnie del celibato,
    riempio la pancia di buoni ricordi
    con quel fiore color argento.

    Di seguito una rosa canarina
    Spedisco a coloro che sono nei cieli,
    tutti uguali son adesso in vetrina
    spedisco loro un bacio con l’angelo.
    A seguire una color alabastro
    In punta di piedi e con il gambo fresco
    La metto in un vaso decorato
    Per i parenti che mi hanno sempre amato.

    Un’ altra color rosa come la carne
    La do a chi ha onorato la vita
    Non avendo paura delle minacce
    Son coloro che mi sono stati d’esempio.
    Vestita a lutto anche se non se l’aspetta
    La offro alla cultura di stato
    Perché la usano malamente
    Temendo che il potere possa sfuggirgli.

    Una bella vergine smeraldina
    L’ho raccolta in onore della bellezza,
    per tutti i bambini è chiara,
    negli adulti è più la presunzione.
    La decima la porgo in silenzio
    Temendo che me la rendano,
    il colore marrone non è brutto
    per la costanza nelle opinioni sincere.

    una alla fede riservo con fiducia
    Anche se ammetto le troppe manchevolezze
    Il colore è trasparente immediato
    Come il Padre ed i Sacramenti
    Alla fine sono rimasto con le mani vuote
    Con l’ultima che ne vale per cento,
    la conservo per l’amore di una vita
    la più bella rosa mai vista.

    RispondiElimina
  2. Fora ‘e poesia una rosa particolare a Anghelu Carboni

    pro te paret bi restet ispinas
    impare a una vida fabulosa
    chi pagos han connotu e ischidas
    sos gosos e dolores de sa rosa
    como che prima, no as pius sas alchidas
    ti restat in sa vida menzus cosa:
    sa dignidade, s'onore e sa famiglia
    e una conca frisca ispibiglia...

    RispondiElimina
  3. eu ti daria ( Miryam Marea)

    Una rosa da middi pici ,
    eu ti darìa cu cori sinceru
    pà ditti grazi di tuttu lu chi sei,
    di tuttu lu chi dai ,
    senza chi vi sia bisognu
    di dummandatti ,
    palchì tu
    ancora primma lu sai !

    RispondiElimina