sos sinnos

Sinnos

Ite rejone aian  sos sinnos

in sas orijas de anzones  nebidas?

De cussas bestias chi fin naschidas

chena manteddos e a mancu ‘e ninnos.

Fin usanzias dae antigu idas,

de sos pastores a sonu ‘e tintinnos

de sas resolzas, no pro nde fagher dannos

affundaian in s’oltiju orijeddas.

Cussos anzones leados a igannos

postu l’aian sas picaroleddas,

a fatu e sinnu, chi los seberad  mannos.

Como  de custu lte? b’ad’ ammentu;

proo a nde descriere s’annotu,

no isco si an a essere totu,

chilco su menzus fagher attentu.

Truncas, ferida, ogada e peltunta,

rundine, iscura orija  fata a bisera;

iscala a manca, ambas a sa manera,

Juale fatu calpida dae punta,

pro las distingher sa lana li tinghera

in bulletinos su malcu de aggiunta,

pro me su menzus  est innida intera.