a teresa fantasia

 A Teresa  Fantasia

chimbe ‘e cabidanni duamiz’ e deghe,
pesadu so chin d’unu pessamentu
oe est die ‘e sole e pagu entu
...In conca allegria si b’addeghe.

Custa est die de ‘onu ammentu,
este invanu chi eo mi nde neghe
e a su gosu est bonu chi b’alleghe,
de oe grandiosu cust’eventu.

Sas dies sunt passadas bia..ia,
lestras coladas che abba in venas,
e tue chi mi allevias sas penas
mi torras sa tristura in allegria.

Tue chi a totu das e nudda leas,
Teresa ‘e sambenadu Fantasia
lea dae coro e dae mente mia,
sa frina ‘ona e lassa sas peleas..

Lussorio Cambiganu

Daghi arrividi a manutenta la leas
comente faghene sorres cun frades
e si a nome meu complimentu li faghes
mi las lenis sas peleas
b'amus a istare dies intreas
...e ndana a bessire abbas dae mares
e cun sanu triulamentu
l'esprimimus su menzus sentimentu

e nos restada solu s'intentu
de la trattare che reina
cà che sana meighina
ad'a placare su lamentu
e dae cantu so cuntentu
mi enidi bozza canterina
e si non cunzo filinzana
mi che passada sa manzana!!!!!!!!!

Francesco Masia

Deo no isco chie siada
Custa Teresa Fantasia
ma dae sas peraulas
bostras pottho pensare
...chi siada una femina istimada
sos augurios bos regalo
de una 'ona chida sana
in festa ed allegria
con Teresa Fantasia!

Francesco masia

Ti cumprndimus e nois cara Alberta
ti l'amus appena presentada
est femina emigrada
e la rezzimus a manu aberta
cà in Sardigna nd'est torra imberta
...poi de vida tribulada
e si gasi bene nde faeddamus
est cà in coro nois che l'amus!!!abbrazzu mannu

Alberta dettori

Unu abbrazzu dae me puru
cun coro mannu e bonos
pensamentos
unu auguriu a Teresa,
...chi custa torrada
siat 'ona e piena de consolu
de amigos caros
chi li fettan cumpagnia!

Teresa sotgiu

Teresa cara gia ti appo aisettadu
unu abbrazzu mannu ti chelzo dare
cussu momentu gia este arrivadu
su disizzu meu e si avverare.

...Benennida siese este s'essenzia
rezzida ene dae tottu chin istima
siede serena sa tua permanenzia
ispero de ti incontrare cantu prima.

Alberta dettori

A Teresa

Su dolu 'e s'emigradu
lehada su coro
...lontanu dae sa terra
amada e puru dae
sos cumpanzos e sos logos
chi fin de pizzinnia
e sunu ammmentos
de mama e genìa.
Deo puru l'happo
tentu custu dolu Terè
ca babbu b'este andadu
emigradu bella bè,
e poi non d'est torradu
moltu incue issu est!

Francesco masia

Cà sos emigrados sunu tottu pretzisos
e non faghede testu nè razza e nè tzinia
cando si lassada muzzeres e fitzos
pro tottu est prezisa s'agonia
e la sentidi essere umanu nostalgia
...cando lassada in terra sua sos disitzos
e e si a forzadura a emigrare est custrintu
finzas su continente pius vastu l'est istrintu!!!!

Teresa sotgiu

Sa lontananzia este dolore
chi no si podede aliare
mancada tottu su calore
chi neunu ti podede dare.

...De profumoso e saporese
asa sempre su disizu
ti mancana fina rumorese
de trainoso ischimizzu.

Sa die de oe Teresa mia
amusu a cunfrimmare
ada essere de allegria
no ti l'asa a ilmentigare.

Su dolu meu este unu solu
no ti chelzo rattristare
de frades mioso no appo cossolu
no ana pottidu torrare.

Francesco masia

Caru Rino su profilu tou si l'ada meritadu
cà tue dae s'aereoporto l'asa prelevada
cuss'amiga nostra istimada
chi su coro de allegria ndada biradu
cun ansia notiscias amus ispettadu
...e istasero sa menzus m'est arrivada
como chi est cun tegus semus serenos
e suspiros de angoscia sun pius lenos,

Lussorio Cambiganu

bonos ammentos

Una palumba bianca che nie

fatende olu longu e chena tempos,

a issa l'ant ispinta sos bentos

de Argentina, pro agatare a mie.

Atidu at  nobiles sentimentos

in tempos d'oe chi pessas no bi sie,

peruna cosa chi potat dare a tie

sulenu eternu che custos ammentos.

Lussorio Cambiganu

Duas patrias

As pienadu sa beltula ‘e bellesa?

Almidda, chessa, mudeju fioridu,

dae  primu mamentu t’apo idu

gighias grasciosa cussa manu tesa.

Como chi tue che torras a su nidu

a cussu ch’as lassadu in s’attesa,

isco pro te est difizile s’impresa

dare risposta a su ch’as preferidu.

No b’at gosura ne aba cristallina

cando su coro duos logos impigna,

tue manna ses fata in argentina

in s’animu bi giogat sa sardigna.

De custa ennida tua  repentina

su coro nostru pro semper si signa.