Su caddu ‘e troja

Su caddu ‘e troja

Falende a Fustes alvos in manchina,
ap’ idu unu chelcu ismuzurradu,
apo pessadu “custu malefadadu”,
“Salvo su trunzu o sa raighina?”.

Memoria epica ‘e poeta torradu,
Omero chin Ulisse ‘e mente fina,
intradu est in janna a sa mudina,
‘e note at postu Troja in su fadu.

Chin s’otava ‘e prima, a bonete,
cominzo un’ istoria prezisa,
de mia cunvinzione dezisa,
trunzu ‘e arvure, dezido eo chi nd ‘ete.

Bona idea, dae tempos ben' assisa
‘e puntare sa boccia a sa rete,
prima chi poltiere si l’isetet
chelzo bucare cussa polta lisa.

Impito a jaru ‘e sole su cadditu,
no apo bisonzu ‘e medas ingannos,
issos e totu, bintos e in afannos,
ruent in trapula ‘e grodde chin crabitu.

S’ana a pentire de aer fatu dannos,
sa fide ‘e sa zente ant traitu,
ant a finire chin custu delitu
ispero in foltuna ‘e pagos annos.

S’idea est jara e meda soberana,
sos vessos pro cadditu troianu,
ana b’idere isciones cambiganu
chi lis frusciat orijas in sa tana.

S’atacu indulchidu e pius galanu,
a foltighes nde lis tundo sa lana,
ei sa pedde nuda, groga e cana,
restat a risu ‘e populu sanu.

No b’at ateru ‘essu pro b’intrare,
chilcare sa giustiscia “foras male!!”
est cosa de foltuna, “ma de cale?”
e tando poesia apo a impitare.

Cussu cadditu prontu, cheret sale,
est garrigu ‘e vessos de rimare,
isetat solu ‘e me, s’ardimentare
e che a Troja ponner fogu tale.