ischidadebos
Pizzinnos como bos chelz’ ammentare
cantu est bella e nobile sa presa,
de una cuscescia de dever ischidare
cando disizos restan in vana atesa.
No bos fatedas sempre ilboidare
sa conca dae sa fazil’ ispesa,
s’ isetos bonos cherides cumprire
bisonzat sas ideas de aunire.
Aunide un fazile bisonzu
cussu chi sempre amus disizadu,
in dies bonas e de mal’ atonzu
cando a siccagna sa terra at destinadu.
No bos immentighedas de s’aronzu
pro poder cras aer fodde pienadu,
faghide onzi mediu pro s’ischire
e no bos lassedasa futire.
Intantu ischide chi no b’at ispera
de poder aer ajudu dae nois,
totu amus etadu in trallallera
su trigu est toccadu dae bobois .
Cando pedides contu , in galera
che sun cussos chi chilcades bois,
ma no b’at aer pius mancu ticcu
de abba in su trainu siccu.
Nudda an lassadu, nudda coidadu
in matta sun fatende su zoccu,
su pagu chii a bois est restadu
as issos chi lis siat de irrocu.
Faghide contu chi fogu siat passadu
e a vida noa ponideli fiocu,
totu dipendet dae su chi dades
e si a prestu dae sonniu ischidades.
Nessun commento:
Posta un commento