martedì 12 luglio 2011

chentu...


Chentu

…sun sos annos seculares
ue sos benes ammodigan sos males,
dae duos nd’ apo brincadu  mesu,
zeltos divescios , ateros cabales.
De cosas malas meda nd’apo intesu,
istorias mischinas  uguales,

de zente chi in coro l’an a pesu.
e in su sonnu  lu gighen a trummentu.
No ischin’ abaidare atesu,
e pessan de olare che su entu,
cussu pispinzu chi fele produit
totu los brujat che a fogu lentu.

Dae sa  mala frunda no si fuit
cando peccadu l’at in pessamentu,
e finas  a sas proas no annuit
pessende de lu poder olvidare,
mischinu poi s’ammentu li recuit
e in sa cusciescia s’at a reparare.

No b’at male peus de su remediu
de chie su eru no cheret iscultare,
 pessat semper de pesar’ impediu
pro poder solu isse manigare.
Eppuru pro nd’ essire b’at mediu,
bastat  ch’ isse  si riconnoscat  reu,

oghendeche dae coro cuss’assediu,
s’animu sou ponet in manu e Deu.
Cando che brincat su sulciu fungutu
immediatu b’est su recreu,
no s’at  ismentigare cando est rutu
e cantu fit cussu destinu feu.

Como chin s’oju de lagrimas asciutu,
idet totu chin grabu e  pius atentu,
fatende festa finas si b’ at lutu,
pessat  a cando intro fit isentu.
Et eo chi cussu latte l’apo sutu
bos naro chi chin  custa sunu chentu.



Cento

…sono gli anni in un secolo
dove il bene ammorbidisce il male,
da due ne ho trascorso la metà,
certi diversi, altri uguali.
Di cose brutte ne ho sentito tante,
storie  solitamente meschine,

di genti che portano dei pesi nel cuore,
tanto che il sonno per loro è un tormento.
Non sono in grado di guardare avanti,
e pensano di volare come il vento.
Quel pensiero che produce fiele
li brucia tutti a fuoco lento.

Non si scappa dalla mala sorte
quando si ha il peccato nel pensiero,
e non si ammette neanche l’evidenza
pensando di poter dimenticare.
Poveraccio, quando torna, il ricordo
si installa sulla sua coscienza.

Il rimedio è peggio del male,
quando  la verità non si vuole ascoltare,
 si pensa sempre ad innalzare ostacoli
per potersi cibare da soli.
Eppure c’è una via d’uscita,
basterebbe che si riconoscesse l’errore,

togliendo l’assedio dal  cuore,
e mettendo l’ anima  nelle mani di Dio.
Quando si salta il solco profondo
si prova un immediato benessere,
non ci si dimentica più della caduta
e quanto era brutto quel destino.

Adesso con l’occhio asciugato dalle lacrime,
vede tutto con garbo e con attenzione,
fa festa anche quando non è di buon umore,
pensando a quando era ferito dentro.
Ed io che ho bevuto quel latte ,
 annuncio che questa è la 100.ma  poesia.


Nessun commento:

Posta un commento