Nenaldu Cabizza
De Nenaldu Cabizza cantadore
b’at iscritura in parnasu celeste,
isse at conzadu de oro sa ‘este
pro poesia chin grabu et onore.
Su logu de Sardigna pius areste
connoschet isse de oghe su fiore,
cantende in su palcu chin amore
de sos poetes mannos faghet teste.
In bidda l’apo idu dae minore
in festa manna ‘e Santu Salvadore,
Suta ‘e cheja estidu ‘e zimarra
isse cantait in re chin sa chitarra.
Como pro totu passados sun sos tempos
de isse restan sa oghe e sos ammentos,
e cando pesso a cussa pizzinnia
eo mi l’ ammento cuncoldu in armonia
sighende de sos ateros sas modas
las tancaiat in bellesa sas coas.
Che muida de bentu ‘enit ladina
Brinchende sos cunfines de su sonu
Sa boghe de Nenaldu in batorina
de cantu in re chi pigat a su tronu
Mi restat s’ ammentu ‘e piseddina
Chi al’ in mente tenzo e ap’ in donu
Cabizza fit de palcu su sovranu
De festas e piatas fitianu
custa veridade bos dat ‘antu
RispondiEliminade oghe siat ladina che galana
finas como in edade pasada
bos restat de melodia s’incantu
cantad’ in re, o a sa paesana
sempre sa oghe ostra un’ ispantu
tocat sa coro a totu de sa zente
e poi niune che l’ogat dae mente.