una lutia

Una  lutia

Est che una lutia  in su mare

comente agu in mesu a su pazzalzu,

m’ammentat sas siccagnas de giannalzu

su fritu chi  mi faghet  respirare.

Est biculu chi cravo a incalzu

in cuadru solu de adorare,

chi eo apo postu in su pintare

pro no fagher a misciu chin su falzu.

Nademi ois,” in cale muntonalzu

no naschet  fiore bellu  de leare

finas sos coros fatos de atalzu?”

Cust’ unidighina leada a s’ispessada

leat ‘a contu sos bisos pius raros,

cussos chi paren a nois pius cuados

in meraviza enin a s’aparada.

No sun in grascia, ne perla ne tesoros

nemmancu  sa bellesa  ilventulada,

cussa chi a prima vista pius fadada

no at alchidas pro brincare sos muros.

Est propiu in sos mamentos pius duros

chi a su bisonzu  no enin in debada,

“sunu sos sentimentos pius puros!!”.

De custas lutias nde coglio unu lagu

pro poder navigare in cumpanzia,

chin zente meda ,de bona zenia

chi su riscatu leet a pagu a pagu.

Dae s’onestade chi est a garanzia

isetto issa chi siet chena abagu,

comente sos calzones de arragu

chi de ilgonzas faghen pulisia.

No est pro nudda, e pesso chi bi sia,

in cussa pazza, cando s’agatat s’agu,

de viver bene in grascia ‘e Deus ebbia.

  

Una goccia

È come una goccia nel mare,

come un’ ago nel pagliaio,

mi ricorda le siccità di gennaio

ed il freddo che mi fa respirare.

E’ una tessera ad incastro

In un quadro solo da adorare,

che io ho messo nel dipingerlo

per distinguerlo dai falsi.

Ditemi voi, in quale discarica

non nasce un bel  fiore da prendere

anche i cuori fatti d’acciaio?”

Questa strofa presa all’improvviso

raccoglie le aspettative più rare,

quelle che sembrano più nascoste

e meravigliano quando si presentano.

Non sono in grazia, ne perle ne tesori

nemmeno la bellezza sventolata,

quella a prima vista più fatata

che non ha la forza per saltare i muri.

E’ proprio nei momenti più duri

che nel bisogno non appare invano,

“sono i sentimenti più puri!!”

Di queste gocce ne raccolgo un lago

per poter navigare in compagnia,

con molte persone, di buon gene

che lentamente guardino al riscatto.

Dall’ onestà, che è a garanzia,

mi aspetto che sia senza fine,

e come i calzoni indossati,

delle vergogne faccia pulizia.

Non è per niente, e credo che ci sia,

in quel pagliaio, quando si trova l’ago,

il bel vivere, in grazia di Dio.