sa casina..ammentos de pizinnia..

Ammentos de pitzinnia   (sa casina)

Apo idu un’ isceta a ticu a ticu,

abertu m’at in conca sos ammentos:

“Da ‘ue essin  pro issa alimentos”?

Si falat semper,  benit dae calchi bicu!!

Cussa funtana piena de urmentos

como pianget lagrimas  a sicu,

no fit gai, cand’ eo  chin aficu

pienaio brocas  e sentimentos.

Como los gito totu a soga tentos

e pro a tie sun ztegos  isgumentos.

In mesu a ruos e isparagina,

a su chimentu e pedra ripoltada,

no est bona faina pro patada

de calculare pagu sa casina.

Cazadu sidis a bidda e sa leada,

sos ispidales lean pro aba fina,

como no b’est mancu pro istrina

sa  vena ‘ona s’est rebellada.

Ammento in s’edade ch’est colada

pro totu fis  tue s’abba fadada.

Rino cambiganu

ammentos de funtana bundanziosa,
sulenu fit pro mannos e minore,
de sa 'idda cuss'abba fit su fiore

como paret ismentigada una losa.
Su numen misteriosu Sa Casina,
como de 'utios mancu istrina.

Angelo carboni

cazzadu m'ada su sidis sa Casina,
donende abba frisca e cristallina.
ch e manu e Deu fidi pro s'asciutore.

recreu daiat a mannos e minore.

Teresa sotgiu

T'addescaiant benas maniantales
amiga de sas aminas indeosadas
cumplitzes sas notes istadiales
serentinas, ischibulas e isteddadas
Cantos a trumone e in massa
ajanas e pilicanos bistoltos
pro aer alleviu a s'assa
a tie pediant acunnoltos
Como chi cantaru ses chena filu
de a tie, malu fadu, s'ammentu ebbìa
m'abarrat in conca che obìlu
ca totu est andadu in tegadìa!

Isperende chi Talia, Caliiope

e pius de totu Erato siant

pascesciles e bajulosas chin megus

e abarrent chietas in s'Elicona.

Bruno sini