fizos
No sun possedimentos , ne tancados
nemmancu preziosas collaninas,
pro poder esser in logu mustrados
gitos a log’ e ballos che ‘edrinas.
Sa carre dae sa mama separados
in conca no bi cheren sas moinas,
sun zente chi si devet fagher manna,
sun fizos de sa terra for’ e gianna.
Cando si leat che mujada ‘e canna
pro lu torrare a su chirru giustu,
no s’ischit si che restan abbanna
che romasizas lassadas in s’ustu.
Pro cantu unu babbu si l’affanna
chilchende de ogare bon’ arrustu,
no s’ischit mai si tant’ insinzare
est pius in toltu de su l’aconzare
Su chi bisonzat est de abaidare
si est cuntentu de ‘ue ponet passos,
si resessit sos fossos de brincare
no faghet nudda si ruet a zassos.
Bastat chi presente pro l’alciare
Siemus in mamentos de disizos
Bi sunu sempre sos gosos e fastizos
d’esempiu nois semus pro sos fizos
Lussorio Cambiganu
RispondiEliminaSi issos fin duos assassinos
it’ an a diventare cussos fizos,
visciados dae minore chen’ aizos
in vida intran solu a sos casinos.
Ma cando unu dubiu enit a pizos
preguntat a su babu: “ ue sos lidos
de sa persona mia sun finidos?”
s’a gatan de dimoniu in assimizos
Sos fizos
Antonietta Bandinu -Ista mudu ,bi pess'eo lis nana
ponendelos in bratzos de una Jana
e gai si creschen chin Edipo impare
domattos dae babbos Saturninos
e sicchin gai e mediu no ana:
Saturno ,Edipo ini e son duos assassinos!
Lussorio Cambiganu
Si issos fin duos assassinos
it’ an a diventare cussos fizos,
visciados dae minore chen’ aizos
in vida intran solu che cainos.
Ma cando unu dubiu enit a pizos
preguntat a su babu: “ ue sos lidos
de sa persona mia sun finidos?”
s’a gatan de dimoniu in assimizos
Antonietta Bandinu de dimoniu in assimizos s'agattan
e non cheren nè a Cristos ,nè a Maria
mancari gai pro sa tzente gai accan
parrer chi sun divotos e cantan in preccaria
Son che a isse mattessi: aulaglios
e deicidas dae sos primos raglios ! ! !
Lussorio Cambiganu
Dae sos primos raglios su poleddu
Cumprendesi sa fine ch’ at a fagher
Bellu paret cand’ est minoreddu
Ma poi no s’ischit it’ at a daer
Massima cosa chi b’ est in su cherveddu
Est sa oghe ch’at a sighire a raer
Cussa zenia essida dae nudda
No balet una conca ‘e chebudda
Figli
RispondiEliminaNon sono dei possedimenti, ne tancati
Neanche preziose collanine
Per essere esibiti in pubblico
Portati nelle sale, ben in vista.
La carne si è separata dalle mamme
la testa non necessita di moine,
sono gente che deve crescere
sono figli della terra fuori dalla porta.
Quando si prendono come canne da incurvare
Per riportarlo nella giusta direzione,
no si sa se resta in disparte
come rimanenze rimaste nel pranzo.
Per quanto un padre possa affannarsi
Cercando di ottenere un ottimo arrosto,
no si sa mai se tanto insegnare
è più sbagliato di ciò che si vuole aggiustare.
Ciò che necessita è di osservare
Se è contento del suo cammino
Se riesce a superare gli ostacoli
Non fa niente se cade qualche volta
Basta esser presenti per risollevarlo
E che ci siamo nei momenti utili.
Ci sono sempre le gioie ed i fastidi
Ma d’esempio dobbiamo essere per i figli