chimera
Comente cando si pesat su entu
intendo unu frusciu acutu e forte,
paret fera chi fuit a sa morte
dae canes famidos dae tempu .
It’ at a esser custa mala sorte
chi pigat cando pagu ses atentu,
e su destinu ti leat in apentu
riendesinde impare chin sa corte?
No b’at che bai si tue a s’iscalmentu
giras de palas, che mai ti nd’ importe.
Sun boghes chi ti faghen furriare
dae caminu leadu a sa lestresa,
a mancu e torru, restat in atesa
si no agatan orijas ue intrare.
Est una chimera ‘e mala resa
chi faghet sos ojos alluzinare.
No b’at nudda de poder leare
sa candela no alet s’ispesa.
Dae infora chilcat de intrare,
menzus chi restet a loriga presa.
Sunu malos cossizos aparentes
pro dare a bider su chi no ses tue,
chilca d’ esser che cussos dischentes
chi s’imparadu che lu torran cue.
No pessan d’esser tropu inteligentes
ma pes’ in terra e conca no in nue,
no mires mai sas caras rifletentes
in un ispiju, ca in su falzu rue,
abaid’ innanti chena ispedientes
e ispera chi fortuna t’ajue.
No b’at de ponner fatu a cuss’ ijone
si no brujas de vida s’istajone.
chimera
come quando si alza il vento
sento un fruscio acuto e forte,
sembra una fiera che sfugge alla morte
di cani affamati da molto tempo.
Cosa sarà questa mala sorte
Che sale quando non sono attento,
ed il destino si prende gioco
ridendosene insieme alla sua corte?
Non c’è che dire se tu allo spavento
Giri le spalle, come se non ti importasse.
Son grida che ti fanno ritornare
Dal un percorso preso velocemente,
o senza ritorno, rimangono in attesa
se non trovano orecchie per ascoltare.
È una chimera mal ripagata
Che fa allucinare la vista.
Non c’è niente da prendere,
la spesa non vale la candela.
Dal di fuori cerca di entrare,
meglio che rimanga legata fuori all’ anello.
Sono dei cattivi consigli fuorvianti
Pro mostrare solo le apparenze
Cerca di essere come quei discenti
Che usano ciò che hanno imparato
Non credono di essere superiori
hanno i piedi per terra, non la testa fra le nuvole,
non credere alle facce riflesse
in uno specchio, perché cadi nell’ inganno,
guarda aventi senza espedienti
e spera che la fortuna ti aiuti.
Non bisogna assecondare quel sogno
Altrimenti bruci la stagione della vita.
Nessun commento:
Posta un commento