troppa bellesa

Troppa bellesa

Che a fiore 'essidu dae sa rocca

ses  sa galana  e lughente istedda,

totu t’abbaidan, niune ti tocat

una lugh’ e  amore t’ammantedat.

Lezera ses  che candida  fioca,

amas a totu..   niune t’amedat

ses  troppu bella pro esser tesoro

in su possessu  ‘e sol’ unu coro.

Sirena ses  de music' immortale
chi suberat sas lacanas profundas,
cussas  chi  sun tra bene e su male
'ue  'olas in altu o che  afundas.
Sonos lezeros o de cuintale
segundu comente andan sas undas,
dipendet  si  mustras unu sorrisu
a chie  ti  mirat  nessi  in su bisu..!!

De totu ses sa mere e sa teraca
nde faghes donu..a totu in  belosia,
cantu podes..  sienda  a s' indonu

a chie nd' at pretesa ..das perdonu.
Ses in donzunu  mament' e poesia
pustis.. cuntenta ti drommis istraca.