politiga

Politiga

Politiga, affares  e buldellos

sunu in custos tempos  imperantes,

ingrassende los semus che itellos

e nois  sempre pius mendicantes.

Nende  sempre chi sun issos sos bellos

in argumentos  toltos delirantes,

mentres chi nois faghimus su fusu

seberende in peus su mal’usu.

In dies  arrancanadas de atunzu,

siat de abba , che de lughe noa,

su podere istrintu in su punzu,

muntenen isperende  in  coa

de sa legislatura,  chi a raunzu

inghirian a sa mantessi boa.

S’ Ital’ erveghe ana bene tusu

como cherene finas su peltusu.

male famados sunu sempr' istados
ca  nudda an  'atidu  de mezoru
pro dom' issoro sempre s' oriolu

an apidu  unu  penseri solu.
Como bi lis cantamus tot' in coru
"Alu cherides, d' essere votados?"