lunedì 12 settembre 2011

53.. a manu tenta..!!












53.. a manu tenta..!!

2011, sos annos ch’ est naschidu,
a 33, in chelos  est pigadu,
a  ‘oe  53 nd’ apo  idu
in dies de festa e de fitianu.
Abias ,  zegu,!! Eo  l’ apo olvidu
ma cando torrat, m’istringhet sa manu:
mamentos  sempre ‘onos sun in grascia
‘e Deus, siat in bonu che in dilgrascia.

Annos  passados  lestros  o a rilentu
totu  los git’ in palas che a roccas,
como si miscian  solu in s’ammentu
de una  vid’  isciolta che fiocas.
Sempre però a issa ist’ atentu:
comente  cando tue no la toccas,
pessas   malu   solu pro s’anzenu
finas chi  no ti sentis lenu lenu.

Annos  chi passan e pius no torran
ch’ isperio azigu, chena malinconia,
si cheren  issos los lasso chi curran
sinono fatan  a sa moda mia.
Cando  pannos  ilfustos  mi  s’asciutan
totu pro me sun bona cumpanzia,
no fato diferenzia peruna:
pro  biver  bene, no chelzo sa luna.

10 commenti:

  1. Mariarosa Cocco
    A te prezioso fiero Lussorio
    Cantor del sardo territorio
    Giunga mio piccolo pensiero
    D’augurio vivo e sincero:
    Amici e cari al tuo cospetto
    T’offrano un di’ perfetto
    Nuraghes,oghes e maris sardos
    Inspirin tuo cantar oltre i chent’annos!

    Many happy returns of your 54th year! xx

    RispondiElimina
  2. 53.. prendendoGli la mano

    2011, gli anni dalla nascita
    A 33, è salito nei cieli
    Ad oggi , ne ho visto 53
    In giorni di festa e feriali.
    Alle vole, cieco!! Io l’ho scordato
    Ma quando ritorna, mi stringe la mano:
    momenti sempre buoni sono in grazia
    di Dio, sia nel bene che nelle disgrazia.

    Anni passati veloci o a rilento
    Tutti li ho alle spalle come rocce,
    ora si mischiano solo nei ricordi
    di una vita disciolta come la neve.
    Sempre, comunque, ad essa guardo
    Come se non riuscissi ad afferrarla,
    si pensa che il male sia solo per gli altri
    finchè anche tu non senti le forze mancare.

    Anni che passano e mai più ritornano
    Che guardo appena, senza malinconia,
    se vogliono, li lascio correre
    altrimenti, facciano come me.
    Quando si asciugano i vestiti
    Tutto per me è buona compagnia,
    non faccio alcuna differenza:
    per vivere bene, non voglio la luna.

    RispondiElimina
  3. Natale E Ornella Tamponi
    No so bonu a poettare commente a boisi, ma Paula mi ada fattu su piaghere de mi acconzare custar duas rimasa. Rezzi su bonu coro e s'intenzione; augurioso, Linu.

    # Sos annos prezisos sunt chimbatatres
    ma t'augur' 'e lomper a sos chentu
    cun s'animu lieru che su 'entu
    pro ch 'olare lestru accant' a Ermès,
    chi dottadu fit de alas in sos pes
    ma ven' 'e poesia non n'at tentu
    che a tie Lussurzu Cambiganu
    c' Alas 'e Poesi' as in sa manu #

    RispondiElimina
  4. Paola Black
    Istanott' 'arzia ogros a chelu:
    pro cantos isteddos as a contare,
    mancar' azzuadu da' un'anghèlu,
    deo no creo ch' ant a superare
    numer' 'e sos augurios mios
    in annos de bonasort' e de brios...

    RispondiElimina
  5. Questo commento è stato eliminato dall'autore.

    RispondiElimina
  6. Giuseppe Pintore
    Ateruna e tachedda nd'as postu
    a su calendariu de sa vida,
    chi ti sia su tempus currispostu
    a sa dimandas e cosas pedida.
    cun sa familia tua tot'unida
    realizes totu cantu as dispostu,
    retzi sintzeru un'abbratzu mannu
    augurios de bonu compleannu.

    RispondiElimina
  7. Mario Rubatta

    Cambiganu Cambiganu,
    paret deris chi fimus istudenteddos,
    sighi su tempus pianu pianu,
    no semus pius pizzocheddos,
    ma ideados de arrivare lontanu,
    como però a passos curzeddos,
    ma sempre prontos a dare de azudu una manu.
    Rezi custas rimas dae mè,
    augurendedi a durare cantu a Noè.

    RispondiElimina
  8. Questo commento è stato eliminato dall'autore.

    RispondiElimina
  9. Emma Cubeddu

    * SERENU COMPLEANNU LUSSORIU !!
    si deo tenìa una pinna de oro
    tàere scrittu frasis de poeta
    cun sa frasi piùr bella c’apo in coro
    mancari no apa sa rima perfetta
    cun durci nota e canticu sonòro
    pro fagre bella custa tua festa
    in saludi e armonia pro chent’annos
    cun chini ti stimada ; minorese e mannos !!

    RispondiElimina
  10. Giuseppe Multinu
    Sos augurios in s'ispidu
    chi misturu preutidu
    a nd'e fagher fin 'a chentu
    chin saludu onzi momentu
    chi pioat o fata b'entu
    a sighire in poesia
    a sa salude tua e a sa mia !

    RispondiElimina