Sa Rejna
Rejna de bellesa tue ses rosa
in campos e giardinos acudidos,
tue sempre galan’ e odorosa
moves fiagos e bonos sentidos.
Fier’ e fama e vida donosa
ristoru das de bellu a sos sedidos,
totu ti coglin chena di fagher dannu
pro unu disizu chi est in coro mannu.
Rosa tue ses de totu s’ isposa
de sos fiores ch’ as in cumpanzia,
a maju tue ses sa menzus cosa
chi dat a sa campagna allegria.
Cando pares superba e vanitosa
est de sas comares gelosia,
no as bisonzu de biver in affannu
meraculu ripitidu onz’ annu.
Nessun commento:
Posta un commento