Mancu su sorde… (i vermi del potere)
Como chi apo peldidu supoltu
de un Istadu chi nos cheret male,
chi dat a chie peta a chie concale,
chi cheret bider su populu moltu.
At tancadu onzi perr’ e poltale,
su sinnu paret in buldellu soltu
che ain’ in falada faghet toltu
a chie pedit un’ ungia ‘e pane e sale.
Mischina Patria giogada a s’enaloto
su tristu tou destinu ancor’ annoto.
Leados dae su giogu in baraunda
pessan chi mundu siat carrasegare,
prontos in diveltera e manigare
sighin a caddigare chin cuss’ unda.
No connoschen s’art’ e politigare
ca lean onzi cosa a sa tunda,
no faghen nudda pro menzus cambiare
che torran sempr’ a sa mantessi frunda.
Nudda in terra tian cherer dassare
mancu su sorde los at a manigare.
Nessun commento:
Posta un commento