Bellesa ligada.
Comente.. ti pòdio lassare
impare at una fera arrajolida,
dae sa prima olta l’apo ida
chi ti cheriat su coro impresonare.
Pro su motivu como cust’essida
chelzo a su mamentu cuncoldare,
a modu chi sa tua bellesa
niune si la potat gigher presa.
Eo la leo chin diligadesa
e la mudo chin velos e ghirlanda,
fiores , chen’ abbaidar’ ispesa
ti ato dae Sanremo e dae Olanda.
Cando sa fera, ido ch' est arresa
e torrat a sa tana dae randa,
ti ogh’ in bidda e logos furisteris
e tue su cor' a totu lis abberis.
Nessun commento:
Posta un commento