sas rundines...

Sas rundines…

Sas rundines,  ap’ idu  sun lassende

sos nidos,   chi las an ricoveradas

dae abrile inie recuende,

pro contare  totu cussas annadas

chi a d’onz’ annu,  eo ido passende

comente lutias de abba  asciutadas.

Ite bi restan de cust’ istajone?

Solu su nidu  e mancu una puzone.

Las  bido  apicadas subr’ e  filos

de sa currente, chi paren chena fine,

totu  a faca postas   in sos apilios

isetan  su manzanu  in su mudine.

Cando  su zoccu  intenden,  poi sos  gridos,

in bolu puntan s’ Africa in oldine.

abberin lestras alas a meriu 

solvende in un' istante ..ultimu piu..