' Ola Patada

‘ola Patada

‘ola Patada,  chin sos fizos tuos

As alimentu pro poder navigare

Totue  ses  digna tue de andare

Brinca sas lacanas tancadas a rujos

Ap’ idu zente noa  tribagliare

In bighinados jaros e iscuros

B’at pinzos noos  in jaos de muros

In  sos frailes  su ferru atalzare

Intendo noamente  sonare

Su zoccu ‘e su malteddu  e de su ferru

Chissà chi custu impedat  su disterru

A sos   piseddos  chi cheren restare

Eppoi s’asci’ e su male in interru

Paret postu  pro totu ilmentigare

Si la sighimus  in custu semenare

Fiorit finas  su  zippu ‘e s’aliderru.

No dedas cara a chie  nde narat male

De sa comunidade  patadesa

Est solu zente mal’ e vilipesa

Chi tiat cherrer  su raju chi fale

Eo bos naro muntenide s’intesa

Ajuadebos totu che carrale

Azis a bider  chi chei su sale

At a cundire  su piat’ in lestresa.