vanidade in poesia

Machine..

Tue ses s’ispina

Chi punghet onzi cosa

E ofendet poesia

Tue ses s’ispina

Chi punghet velenosa

Ses ‘etios’  ebbia

Tramposa  e cascasina

Chi punghet onzi cosa

Tramposa e cascasina

Ses etios’ ebbia

Chi punghet velenosa

E ofendet poesia

Tramposa e cascasina

Chi punghet velenosa

Ses ‘etios’ ebbia

Sa poesia tua

Chena cor’ e cherveddu

Chilcat rima no prosa

Sa poesia tua

Chi gighes a tambeddu

Maca e velenosa

Che a piant’’ e lua.

Chena cor’ e cherveddu

Maca e velenosa

Che a piant’ e lua

Chi gighes a tambeddu

Chilcat rima no prosa

Che a piant’ e lua

Chi gighes a tambeddu

Maca e velenosa

………………………..

Como pedo iscuja  dae nou

Pro su disturbu a Paola Black

tue chi ses sarda che s’ ispeck

No cherzo intender su machine  tou

Torratiche a sa pelcia tue  “come back”

Che arja  mala ses punta a zou

Imboladiche in una maja ‘e rhou

E subra chi bi ballene s’ ishake.

 A una cantadora  etiosa

Tue ses mala, mala ses che peste

No ischis mancu ‘ue chela pasare

Niune a tie cheret faeddare

De poesia  no as ne coro o beste

Ne beste e ne coro in poesia

Femina  ‘e cantu eo ti pessaia

In un’ iscuta mi faghes bulluzare

Ca ischis cascasina forrojare.

Sa poesia no est  a t’ispantare

Cando pessona pessas de ammarronare

Ca est   bonu cunviver chin sa zente

Su chi faghet poeta intelligente

Poeta intelligente  no lu faghet

De  ponner cascasina in su ch’ iscriet

Ca si li cambiat bentu a s’ispessada

Leat in cara  a issa  e isbatulada.

Tue chi pessas de esser meda cosa

Ses solu  tilighelta vanitosa

Ti antas  sempre de  ‘ue ses istada

Niune  ti connoschet in leada

Etando pro una ‘olta pone mente

Restache in domo tua in continente

Ma fina  atie promore  de su zene

Ti naro finichela e ista ‘ene.

Finas si ses malefaeddada

No mi rendes sa vida suferente

Ca isco istare in mesu de sa zente

Siat innoghe o zente de Patada

Si ti nde ogas su velenu ‘e dente

Perdes s’assimizu ‘e su serpente

Chissà chi tando ti dies sa pasada.

Ottadas , undigninas e duinas

No  si produin chi ‘etia e  ‘elosia

Sinono offendes sa  poesia

E  sa reputascione ti ruinas

Chin custa peldo pro te fantasia

 lassendetiche  subra ‘e cussas chimas

dae raighinas a cussas  naes finas

ti lassat  che cando mai bi sia-s..