martedì 2 agosto 2011

a cavallo del potere


A caddu  de su podere.

Malos ingannos  e peus dilgrascias
ischides dare a  sa cumpanzia,
totu  Sardigna ‘oghende a  ‘istrascias
In fagher vostru de  una   una baronia.
Ismentigados  de sas bonas ascias
de sa familia chi in pizzinia
bos at pesadu totu che a pascas,
eccomo sezis  malos che istria.

Prima pessades  in caddu de sezire,
posca sa sedda  chilcades de mudare,
chin batiles e tapetos  pro essire
chena mancu  sa cara samunare.
 Sos pes  piantades  poi chena faddire
in sas istafas chilcades de afferrare,
Sa letrangh’ e sa chingia  pro finire
cando si zoccat, bos at a ‘oltulare.

Una zenerascione mal’ aberu,
no ischit etare mancu punzu ‘e sale,
no sun gitende a su disisperu,
semus passados  dae su peus in male.
Cando faeddan parene aberu
ca poi sa cosa  est totu cabale,
prezisa  est tota pro interu
ma no connosco  ater’ uguale

De sos de prima no nd’ ana fatu santos
ca issos puru  fini a chirr’ issoro,
mai che como ap’ intesu piantos
chi  a los bider m’istrazian su coro.
A famine nos gighen e iscantos
leende a totu  dignidad’ e decoro,
perun’ e issos  podet ponner bantos
in sa giustiscia ‘e Jesus o in su foro.

Nessun commento:

Posta un commento