giovedì 4 agosto 2011

sa loriga (avididade)


Sa loriga (s’avididade)

Una loriga tunda affraigada
a s’antarile de  sa domo tua,
it’ est ammentu o ite  sensu ada
in tempos d’oe chin d’unu mundu in fua?
Forzis a tie seguresa dada
s’idea de ligare a s’accua,
su  chi no  podes  muntenner intr’  e coro
ca l’ as  ispesu  pro unu punz’ e oro.

Tue  as leadu su tou e  s’issoro
su chi  pro totu  enit iscumpaltidu,
pessende male chi mi nd’ innamoro
m’as imbiadu  su sessale, ap’ idu,
e m’at nadu chi b’at bonu ristoro
inue  bivet famen’ e sedidu.
A malu modu  eo l’apo leadu
nendeli chi de totu est su criadu.

Aite t’est servidu  su furadu
cando no nd’ as godidu  in sa vida,
como  bezzu  cadruddu ilmentigadu
a ilmunzu  nudda a sero romasida.
In tempos bonos  sempre t’aio nadu
tanca  sa mata e su cor’ ischida,
etando sighi  in custa die istoiga
sa morte  t’aisetat in sa  loriga

Nessun commento:

Posta un commento